________________
प्राकृतस्तोत्रप्रकाश:
१२१
॥ श्री तालध्वजतीर्थमंडन-सत्यदेव-स्तोत्रम् ॥
___(आर्यावृत्तम् ) सिरिसिद्धचक्कजंतं-बंदिय गुरुणेमिसूरिगुणपयरं ॥ तालज्झयसुमइपहुं-करेमि थुइगोयरं भावा ॥१॥ पंचसजीवणकूडे-जासहिहाणं पसिद्धिमावणं॥ अप्पज्झाणणियाणा-विउलगुहा जत्थ दीसति ॥ २॥ तालज्झयणामसुरो-इमंमि हिटायगो सुमइभत्तो ॥ ता तालज्झयणाम, एयस्स णगस्स संजायं ॥ ३ ॥ तालज्झयणामेणं-तडिणी सेत्तुंजयाइसंबद्धा ॥ पुरओ जलहिपसंगा-सोहइ एत्थाहभूमीए ॥४॥ णिव्वुइदायगतित्थं-सच्चचमुक्कारसच्चदेवमहं ॥ सिरिपंचमतित्थयरं-णिच्चं झाएमि चित्तंमि ॥५॥ वजजयंतविमाणे-भोचा सुरसम्ममहियपुण्णफलं ॥ साकेयपुरीए जो-सावणसियविइयदियहमि ॥६॥ णिवमेहमंगलाए-कुच्छिसि समागओ चवणकाले ॥ माहवसियट्टमीए-जायं वंदामि तं मुमइं ॥ ७ ॥ तिसयधणुप्पमियंग-सुवण्णवण्णं पभुत्तभूवत्तं ॥ माहवसियणवमीए-सहसगणं णिच्चभत्तेणं ॥८॥ णियणयरीए हेटा-सालतरुस्स प्पवण्णपन्वज्जं ॥ चउनाणिपहुं तइया-वंदे तालज्झए सुमई ॥९॥
