________________
पाइयपच्चूसो
परं णिवेयणं एगं, झाएज्जा संपयं भवं । विज्जए इमिआ वत्थी, पाटच्चराण संपयं ॥२४ ॥ अहयं अत्थि से सामी, वज्जरेमि अओ भवं । वसेज्ज ससुहं अत्थ, ण बाहा मह विज्जए ॥२५॥ पारेई. पावसे दाउं, उवएसं परं णहि । अत्थटुं पुरिसं कं वि, इणं णिवेयणं महं ॥२६॥ चइउं जं य कज्जं य, उवइसइ माणवं । अम्हे समायरामो तं, संपइ हे मुणीवरो! ॥२७ ॥ संपयं चोरिअ च्चेअ, जीविया - साहणं हुणे । अण्णं ण विज्जए किं वि, साहणं संपयं किर ॥२८ ॥ ठाणं दाउं अओ तुम्हं, ण वम्फेमो वयं समे । मूले हाणिं कुओ वत्ता, लाहस्स उ य विज्जए ॥२९॥ इणं णिवेयणं मझं, जइ मण्णं हुवेज्ज भे । कुणेज्जा ससुहं अत्थ, चउमासं णिअं खलु ॥३०॥ सोच्चाण बंकचूलस्स, णिवेयणं इणं तया । पडिसुणेइ सिग्धं तं, समयण्णू गणेसरो ॥३१॥ देइ णिवसिउं ठाणं, बंकचूलो गणीवरं । लभ्रूण रुइरं ठाणं, चिटुंति ते तया तहिं ॥३२॥ आयरिया समे साहू, आहूय सयलं ठिइं । साहिऊण य हक्केंति,° उवएस-कये तया ॥३३॥ कुणेइ पावसं तत्थ, सविणेयो रिसीवई । ण देइ उवएसं कंपालेइ णिअगं वयं ॥३४॥ सज्झाय-झाणलीणा ते, णियत्त-साहणापरा । जवेंति णिअगं कालं, पसण्णचेयसा सया ॥३५ ।।
(८) शक्नोति (शकेश्चय-तर-तीर-पारा:- प्रा.व्या. ८/४/८६)। (९) कांक्षाम: । (१०) निषिध्यन्ति (निषेधेर्हक्क:-प्रा.व्या.८/४/१३४)। (११) यापयन्ति (यापेर्जव:-प्रा.व्या. ८/४/४०)।
