________________
જ્ઞાન-ચારિત્ર-તપના આરાધકોને શોધી ભક્તિ કરવાનું શરૂ કર્યું. યોગ્ય અવસરે રાજાએ પણ ગુણવાન એવા જિનદત્તને નગરશેઠના પદથી વિભૂષિત કર્યા.
એક દિવસ ગુણાનુવાદની દ્રષ્ટિથી ઈન્દ્રસભામાં ઈન્દ્રે ઉત્તમ ગુણીયલની પ્રસંશા કરી પણ રત્નશેખર દેવને ઈન્દ્રના શ્રીમુખે થતી સામાન્ય માનવીની પ્રસંશા ન રુચિ. પરીક્ષા કરવા શ્રાવકનું રૂપ કરીએ જિનદત્ત નગરશ્રેષ્ઠી પાસે આવ્યો. શ્રેષ્ઠીએ ઘણાં જ ભાવથી નવા આગંતુક શ્રાવકની ઉમળકાથી ભક્તિ કરી બીજું કાંઈ કામ હોય તો જણાવવા વિનંતી કરી.
પરીક્ષા કરવા માટે આવેલા દેવે જિનદત્ત પાસે પોતાની પત્ની રીસાઈ ગઈ છે. તેને રાજી કરવા મૂલ્યવાન એકાવલી હારની માંગણી કરી. જે નગરશેઠે ઘણાં જ શુભ ભાવથી તીજોરીમાંથી તરત કાઢી આપ્યો. આ કારણે દેવ શેઠ ઉપર ઘણો જ પ્રસન્ન થયો અને પુષ્પવૃષ્ટિ કરી ચિંતામણિ રત્ન આપી સ્વસ્થાને ગયો.
*ચિંતામણિ રત્ન મનોવાંછીત પૂરક છે. શેઠ તેના પ્રભાવે અનેક દીન દુઃખીના દુઃખ દૂર કરવા લાગ્યા. સાધુને એષણીય ભક્ત પાન લાવી આપી વૈયાવચ્ચ કરવા લાગ્યા. આ રીતે પોતાનું લીધેલું વ્રત ઘણી જ ઉદારતાથી પાળવા લાગ્યા.
એક દિવસ ચાર જ્ઞાનના ધણી શ્રી રત્નપ્રભ ગુરુના ઉપદેશથી વૈરાગ્યવાન થઈ પત્ની-પરિવાર સાથે ચારિત્ર અંગિકાર કર્યું. તે ભવ આરાધના સહિત પૂર્ણ કરી પ્રથમ ત્રૈવેયકે જન્મી, ત્યાંથી મહાવિદેહ ક્ષેત્રમાં જન્મી તીર્થંકર નામકર્મ ભોગવી નિર્વાણ (મોક્ષ) પામશે.
સાધર્મિક ભક્તિ એક એવી પ્રવચનપદ અંતર્ગત પ્રવૃત્તિ છે જેથી આપનારલેનાર બન્ને ધન્ય બને, શાતા પામે. ધર્મનો મહિમા વધારી સર્વ જીવોને શાસનના અનુરાગી બનાવે છે.
તુમ સમ્મત્તલન્ને ચિંતામણિ કપ્પપાય વહીએ. (ઉવસગ્ગહરં)
૨૭
