Page Text
________________
સિદ્ધ પરમાત્માને નમસ્કાર કરીએ. અરિહંતે પણ જેમને પૂજ્યપણે માન્યા છે અને જેઓ સાદિ અનંતકાળ પર્યત સુખના ભોગવનારા છે. ૧
એ સિદ્ધ પરમાત્મા ૩૧ ગુણવાળા છે અને જે ચોથી ઉજ્જાગર દશાનો આસ્વાદ લઈ રહ્યા છે, એવંભૂતનયથી સિદ્ધ થયા છે અને જેઓ ગુણના સમૂહના આલ્હાદમાં વર્તે છે. ૨
સર્વ દેવતાઓના ત્રણે કાળના સુખો એકઠા કરીએ અને પછી તેને અનંતગુણા કરીએ, અનંત વર્ગે વર્ગિત કરીએ તો પણ તે સુખ સિદ્ધના સુખ પાસે અણુમાત્ર થાય છે. અર્થાત્ તે સુખ સિદ્ધના સુખ સમાન થઈ શકતું નથી. ૩
તેમના કર્મોનો બંધથી, ઉદયથી, ઉદીરણાથી અને સત્તાથી પૂર્ણપણે અભાવ થયેલો છે. તેઓ મોક્ષસ્થાને જતાં જે ઉર્ધ્વગતિ કરે છે તે પૂર્વ પ્રયોગને લઈને કરે છે. ૪
ગતિપરિણામ સ્વભાવ હોવાથી, કર્મરૂપી બંધનોનો છેદ થવાથી અને કર્મરહિત નિર્મળ થવાથી, અસંગક્રિયાના બળથી સિદ્ધિગતિમાં જનાર જીવોનો ઉર્ધ્વગમનનો ઉદ્યોગ હોય છે. ૫
સિદ્ધ થતા જીવો સમયાંતરને તેમ જ પ્રદેશાંતરને ફરમ્યા વિના સિદ્ધિસ્થાને પહોંચે છે અને ચરમ સમયે એક ત્રિભાગ ન્યૂન બે ત્રિભાગ ૨/૩ જેટલી ઘનરૂપ જીવ પ્રદેશોની અવગણના થાય છે અને તે પ્રમાણે જ સિદ્ધિસ્થાનમાં ઉપજે છે. ૬
સિદ્ધશિલાની ઉપર રહેલા સિદ્ધો જ્યોતિમાં જ્યોતિ મળી જાય તેમ પૂર્વે તે સ્થાને રહેલા અનંતા સિદ્ધોની અવગાહનામાં મળી જાય છે. એવા સિદ્ધ પરમાત્માને હસ્તિપાળની જેમ સેવવાથી સૌભાગ્યલક્ષ્મીનો પકાશ પ્રાપ્ત થાય છે. ૭
* સુખ અનંતુ સિદ્ધમાં, * સિદ્ધ ભજો ભગવંત,
* સિદ્ધા સિદ્ધિ મમ દિસતું (વિવરણ :].
ઘાતિ-અઘાતિ આઠે કર્મનો ક્ષય થયો છે. આત્માના અનંતગુણ નિર્મળસ્વરૂપે પ્રગટ થયા છે. એવા અજરામર પદને પામેલા સિદ્ધ પરમાત્માને અમે ભાવથી નમસ્કાર કરીએ છીએ.
જન્મ-મરણરૂપ સંસારમાં આ જીવ-અવ્યવહારરાશિમાં અનંતકાળથી દુઃખો સહન કરતો આવ્યો છે. સુક્ષ્મનિગોદ અને બાહર નિગોદમાં કલ્પી ન શકાય તેવા એક શરીર અનંતા જીવ. જન્મ કર્યા. યાવતું એક પલકારામાં (સમય) ૧૭ ૧/૨ ભવ કરી પૂર્વ ભવે બાંધેલું કર્મ ભોગવ્યું. છતાં ચતુર્ગતિના ભ્રમણનો અંત ન આવ્યો. ૧૪
| SR No. | 006144 |
| Book Title | Ghadvaiya |
| Original Sutra Author | N/A |
| Author | Harishbhadravijay |
| Publisher | Navjivan Granthmala |
| Publication Year | 2009 |
| Total Pages | 198 |
| Language | Gujarati |
| Classification | Book_Gujarati |
| File Size | 6 MB |