________________
ધર્મનો પ્રારંભ શ્રદ્ધાથી એટલે દર્શનથી, વિકાસ સમ્મજ્ઞાનથી, પરિણામ ચારિત્રથી અને ઉત્તમ ફળ તપથી મળે છે.
દુનિયામાં બધા જ ધર્મ કરે છે પણ સ્વાર્થમય. હકીકતમાં ધર્મ સંસાર તરવા માટે પાપ ખપાવવા માટે કરવાનો છે.
:34:
ધર્મસ્થાનોમાં જે કમ ખાય, ગમ ખાય અને નમ જાય તે બધું જ પામી જાય) સુવાક્યો :
ક્ષુદ્રતાનું મૂળ સ્વાર્થ છે.
ક્ષુદ્રતા ઉભયને દુ:ખી કરે છે.
ક્ષુદ્ર ભલે ધનથી અમીર હોય પણ મનથી તો ગરીબ જ હોય.
⭑
પદ :
★
ચિંતન :
અક્ષુદ્ર ગંભીર ને ઉદાર હોય. ઉત્તમ ભાવના ભાવે. અક્ષુદ્ર અનેક ગુણ લાવે છે. અક્ષુદ્ર ધર્મી જીવન માટે યોગ્ય છે.
દામ વિના નિર્ધન દુઃખી, તૃષ્ણાવશ ધનવાન, કુછ ન સુખ સંસારમેં, સબ જગ દેખ્યો છાન.
સ્વાર્થની આ દુનિયા કેવી, સુખમાં ભાગ પડાવે, કોઈક દુઃખમાં દૂર થાય તો કોઈક વધુ રીબાવે.
ભાવિ ત્રણ વિદ્યાર્થીઓનું...
ગંગા ને સિંધુ જેવી પવિત્ર નદી શક્તિમતિ નગરીની કિનારે વહેતી હતી. નાના-મોટા મહેલો ને મકાનોથી નગરી શોભતી હતી. અઢારે કોમ (જાતિ) પોતપોતાને યોગ્ય આવાસોમાં રહેતી અને ઉદરપૂર્તિના કાર્યો કરતી.
એક દિવસ મુખ્ય માર્ગ ઉપરથી ઈર્યાસમિતિનું પાલન કરતાં બે જ્ઞાની, ધ્યાની, ત્યાગી, વૈરાગી મુનિ શુદ્ધ ગોચરીની ગવેષણા કરવા નગરીમાં પ્રવેશી રહ્યા હતા. મુનિના આચાર ઉચ્ચ વિચારની સાક્ષી પૂરતા હતા. અંત-પંત ભીક્ષા ગોચરી પ્રાપ્ત કરી નગરીની બહાર ઉદ્યાનમાં શરીરને ભાડું આપવા જવાના હતા. મુનિને આહાર મળે તો સંયમવૃદ્ધિ અને ન મળે તો તપોવૃદ્ધિ. તપ કરવો આત્મધર્મ. એમ એ સમજતા.
મુનિએ એક ઘરમાં ધર્મલાભ આપ્યો. અચાનક તેઓની નજર ઘરમાં ગોચરી વહોરતાં વહોરતાં વિદ્યાભ્યાસ કરતાં ૩ વિદ્યાર્થીઓ ઉપર પડી. એ અભ્યાસીઓ ક્ષીરકદંબક બ્રાહ્મણની અધ્યયન શાળામાં અધ્યયન કરતા હતા. અતિશય જ્ઞાનવંત મુનિએ બીજા સાથી મુનિને સ્વાભાવિકપણે કહ્યું, ગુરુભાઈ ! આ ત્રણ વિદ્યાર્થીઓ
ર
