________________
(૩૨) સ્થાપનાનિક્ષેપે એ તીર્થંકરદેવ નથી, એમ સિદ્ધ થશે, અને તીર્થંકરદેવનો સ્થાપનાનિક્ષેપો ઊડી જશે. એ તો તમને પણ ઇષ્ટ ન હોવાથી આગામી ચોવીશીના તીર્થંકર દેવોની પ્રતિષ્ઠા આદિની બોલીના દ્રવ્યને તમે પણ દેવદ્રવ્યરૂપે જ સ્વીકારેલ છે. તો પછી આ જ ભવમાં સાક્ષાત્ તીર્થંકર થનારા દેવાધિદેવના ચ્યવન અને જન્મકલ્યાણકની આરાધના અને ઉદ્યાપનિકા (ઉજવણી) નિમિત્તે પરમહર્ષોલ્લસિતભક્તિભાવથી સ્વપ્ના-પારણું આદિનો બોલીનું દ્રવ્ય દેવદ્રવ્ય કેમ ન ગણાય ? દેવદ્રવ્ય જ ગણાય. પૂજ્યમાતૃસ્થાનીય દેવદ્રવ્યમાંથી છ આની આદિ અમુક દ્રવ્યને સાધારણ ખાતે લઈ જવાનો કુતર્ક કે વિકલ્પ સ્વપ્ન કે મૂછિત અવસ્થામાં પણ ન કરી શકાય, તો પછી શ્રી પર્યુષણા મહાપર્વ જેવા પરમ આરાધક દિવસોમાં સ્વપ્ન બોલીના દેવદ્રવ્યમાંથી અમુક દ્રવ્યને સાધારણ ખાતે લઈ જવાનું વિધાન તો કરાય જ શી રીતે ? તેવા દોર મહાપાપનું વિધાન સ્વપ્નમાં પણ ન થાય. શ્રી શંખેશ્વર પાર્શ્વનાથજીના પ્રતિમાજી ભરાવેલ તે સમયે
પાર્શ્વનાથજીનો આત્મા સમ્યકત્વ પામેલ ખરો?
ગત ચોવીશીના નવમા તીર્થંકર દેવાધિદેવ શ્રી દામોદરસ્વામીજી જિનેન્દ્રપરમાત્માને પરમસબહુમાન પ્રદક્ષિણા દઈને શ્રી આષાઢી શ્રાવક પરમ વિનમ્રભાવે કરબદ્ધ (બદ્ધાંજલિ) નતમસ્તકે વિનયપૂર્વક પરમાત્માને પ્રશ્ન પૂછે છે, કે ભગવદ્ મારો મોક્ષ કયા તીર્થંકર ભગવન્તના શાસનમાં થશે ? દેવાધિદેવે પરમ સુમધુરવાણીએ જણાવ્યું કે આગામી ચોવીશીના ત્રેવીસમા તીર્થંકર શ્રી પાર્શ્વનાથજી પરમાત્માના શાસનમાં તમારો મોક્ષ થશે. શ્રી પાર્શ્વનાથજી પરમાત્માના શુભહસ્તે દીક્ષિત થઈને પરમતારકશ્રીના ગણધર થઈને મોક્ષમાં જશો. જિનેન્દ્રપરમાત્માને પરમ સબહુમાન દન્દન નમસ્કાર
