________________
(૧૬૯) ગ્રંથોમાં પણ કહ્યું છે કેपंचशदादौ किल मूलभूमेर्दशोर्ध्वभूमेरपि विस्तरोऽस्य । उच्चत्वमष्टैव तु योजनानि मानं वदंतीह जिनेश्वराः ॥
ભાવાર્થ :- શત્રુંજય ગિરિનું માન પ્રથમ મૂળ ભૂમિમાં પચાસ યોજન વિસ્તારવાળું, ઉપરના ભૂમિતળ ઉપર દશ યોજન વિસ્તારવાળું અને આઠ યોજન ઊંચું એમ શ્રી જિનેશ્વરદેવોએ કહેલું છે.
दृष्ट्वा शत्रुजयं तीर्थं स्पृष्ट्वा रैवतकाचलम् । स्नात्वा गजपदे कुण्डे पुनर्जन्म न विद्यते ॥२॥
ભાવાર્થ :-- શત્રુંજય તીર્થનું દર્શન કરવાથી, રૈવતક (ગિરનાર) પર્વતનો સ્પર્શ કરવાથી અને ગજપદકુંડમાં સ્નાન કરવાથી ફરી જન્મ થતો નથી.
अष्टषष्टिषु तीर्थेषु यात्राया यत्फलं भवेत् । श्रीशत्रुजयतीर्थेश-दर्शनादपि तत्फलम् ॥३॥
ભાવાર્થ - અડસઠ તીર્થોમાં યાત્રા કરવાથી જે ફળ થાય છે, તેટલું ફળ શત્રુંજય તીર્થના દર્શન માત્રથી થાય છે.
માટે પૃથ્વીપતિ ! ભરતખંડની ભૂમિ તથા સર્વોત્તમ મનુષ્ય ભવ પામીને વિવેકી પુરુષોએ યુગાદિદેવની મહાયાત્રા કરીને લક્ષ્મીનું ઉપર કહ્યા પ્રમાણે ફળ મેળવવું જોઈએ.” આ પ્રમાણે પૌરાણિકના મુખથી તીર્થનું અદ્ભુત માહાત્મ સાંભળીને રાજાએ તે શ્રેષ્ઠીને રજા આપીને પોતાને જવા માટે મુહૂર્ત નક્કી કર્યું. પરંતુ મુહૂર્તનો દિવસ નજીક આવતાં રાજાને બ્રહ્મરંધ્રની વ્યથા થવાથી નિયત કરેલું મુહૂર્ત વ્યતીત થયું, તેથી રાજાએ પશ્ચાત્તાપ કરી બીજ મુહૂર્ત લીધું. તે પણ પોતાના મોટા કુમારને કાંઈ અકસ્માત્ વ્યાધિ ૧. ભાગવત, ૨. નાગપુરાણ, ૩. તીર્થમાલાસ્તવ.
