________________
(૧૫)
દિવસ કોટવાલે જોયો, તેથી પકડીને કારાગૃહમાં નાંખ્યો. પછી કાન, નાક, હાથ આદિ છેદીને તેને કાઢી મૂક્યો. તેની અતિવેદના ભોગવી મરણ પામીને ત્રીજી નરકમાં ગયો. ત્યાંથી નીકળી શ્રીપુરમાં શ્રેષ્ઠીનો પુત્ર થયો. ત્યાં પણ હજાર વર્ષ સુધી નિરંતર સોળ રોંગની પીડા ભોગવીને બીજી નરકે ગયો. ત્યાંથી નીકળી મત્સ્યનો ભવ પામી પહેલી નરકે ગયો. ત્યાંથી મનુષ્ય ભવ પામી બાળ તપુ (અજ્ઞાન તપ) કરીને ગગનગતિ નામનો વિદ્યાધર થયો. તેની કથા પ્રથમ કહી છે. છેવટે દાલમાં તે રાક્ષસ થયો છે. જેણે સુરસિંહ કુમારને આ લીલાવતી આપી છે, હજુ પણ તે અનંત સંસાર ભ્રમણ કરશે. પ્રત્યેક નરકમાં સાત સાતવાર જશે. તે અનર્થચૂડની મા રત્નવતીએ સુવર્ણરુચિ સાથે ચારિત્ર ગ્રણ કર્યું. અને બુદ્ધિના અપરાધરૂપ દોષના વધી દેવદ્રવ્યની ઉપેક્ષાએ કરીને પાપ ઉપાર્જન કર્યું હતું, તો પણ ચારિત્ર પાળવા લાગી. એક વખત પૂ. ગુરુના મુખથી તેણીએ ‘દૈવાદિ દ્રવ્યની ઉપેક્ષા કરનારને દુરન્ત પાપનો વિપાક થાય છે.’’ એમ સાંભળીને ભયભીત થયેલી તેણે પૂ. ગુરુમહારાજ પાસે સમ્યક્ અધ્યવસાયથી આલોચના લઈને સો વાર છ માસી તપ કર્યું. વળી આલોયણ એટલે પ્રથમ પૂ ગુરુમહારાજ પાસે પાપ પ્રકાશ કર્યું. પછી પોતાના આત્માની સાક્ષીએ તે પાપની નિંદા કરી, અને પછી સર્વ સભ્ભા સમક્ષ તે પાપને ગર્પિત એટલે નિભ્રંછન કર્યું. ત્યાંથી તે કાળ કરીન પાંચમા દેવલોકમાં ગઈ. ત્યાંથી આવીને તું વિદ્યુત્પ્રભા થઈ છે. તે ર્વેનું કર્મ કાંઈક બાકી રહેવાથી આ ભવમાં પણ છ માસ સુધી વિદ્યાધરના ફટકાનો માર સહન કર્યો છે.''
ત્યારપછી ચંદ્રશિખા રાણીએ પૂ. ગુરુમહારાજને પૂછ્યું કે‘હે ભગવન્ ! મને પુત્ર વિયોગનું દુ:ખ કેમ થયું ?'' પૂ. ગુરુમહારાજ બોલ્યા−‘હે ભદ્રે ! તેં રત્નાવહ સાર્થવાહના ભવમાં સામર્થ્ય છતાં પણ દેવદ્રવ્યનું ઋણ નહીં આપનાર ધનનંદીની ભયના
