Page Text
________________
(૧૦) આ શુધ્ધાત્માની વાત આ કાળમાં તને સાંભળવા મળી અને તું તેમાં અંતર્મુખ નહી થઈ શકે એવું કહીને, માનીને એનો નિષેધ કરશે તો તને આત્માની શુધ્ધતા અને અતીન્દ્રિય આનંદ પ્રગટ નહીં થાય, અને મોક્ષમાર્ગ પ્રગટ કરવાનો આ અવસર હું ચૂકી જઈશ એટલા માટે આત્માની રુચી કરીને અર્થાત્ રાગાદિ વિષયોની રુચી છોડીને આત્માના ધર્મધ્યાનનું પુરુષાર્થ કર. ધર્મધ્યાન વગર જીવની શ્રધ્ધા ગુણની નિર્મળપરિણતિ થતી નથી, સમ્યક્ શ્રધ્ધા નથી થતી, કારણ કે ધ્યાનદ્વારા શુધ્ધાત્માનો નિર્વિકલ્પ અનુભવ કર્યા વગર એની શ્રધ્ધા સમ્યક્ કહેવાતી નથી અને તે સમયના જ્ઞાનને પણ સમ્યજ્ઞાન કહેવામાં આવતું નથી. રાગમાં લીન રહેવાથી આત્માની શ્રધ્ધા સમ્યક્ નથી થતી અર્થાત્ ધર્મ થઈ શકતો નથી. સુખની પ્રાપ્તિ થતી નથી ભાઈ ! આ કાળમાં તને ધર્મ કરવો છે કે નહિ ? એ ધર્મ આત્માના ધ્યાન દ્વારા જ થશે. અને આત્માનો અનુભવ અથવા ધર્મધ્યાન આ કાળમાં થઈ શકે છે.
(૧૧) અરે ! પંચમકાળમાં જો આત્માનું ધ્યાન ન થતું હોય, તો આ બધો શુધ્ધાત્માનો ઉપદેશ કોને શા માટે આપવામાં આવ્યો છે ? આત્મા, જ્ઞાનઆનંદમય, ઈન્દ્રિયાતીત મહાન પદાર્થ છે. એમ જાણીને જ્ઞાની પોતાના અંતરમાં એનું ધ્યાન કર છે. નિશ્ચય શુધ્ધાત્માના આશ્રયથી સાચું ધર્મધ્યાન આજે પણ થાય છે. (૧૨) સાક્ષાત્ કેવળજ્ઞાન અને પૂર્ણ મોક્ષ દશા જેનાથી પ્રાપ્ત થાય એવું ઉત્કૃષ્ટ શુકલધ્યાન આ કાળમાં આ ક્ષેત્રમાં ન થઈ શકે, પરંતુ જેનાથી શુધ્ધ સમ્યક્દર્શનજ્ઞાન-ચારિત્ર પ્રગટ થાય છે એવું નિશ્ચય ધર્મધ્યાન તો આજે પણ થઈ શકે છે.
(૧૩) આવા ધ્યાનધારા મોક્ષમાર્ગનો આરાધક જીવ એક ભવ અવતારી બની શકે છે. અંહીથી સ્વર્ગમાં જાય અને પછી મનુષ્ય પર્યાય પ્રાપ્ત કરી મુનીદીક્ષા અંગીકાર કરી ચારિત્રદશામાં શુકલધ્યાન પ્રગટ કરી પૂર્ણ મોક્ષ પ્રાપ્ત કરી લે છે.
(૧૪) આ કાળમાં ધર્મધ્યાનનો જે નિષેધ કરે છે એ તો સંપૂર્ણ મોક્ષમાર્ગનો જ નિષેધ કરે છે. અને પર્યાયમાં આત્માની શુધ્ધિનો જ નિષેધ કરે છે.
(૧૫) ભાઈ ! પોતાના આત્મામાં તારા ઉપયોગને જોડ, તારી વર્તમાન જ્ઞાનની પર્યાયમાં નિજ શુધ્ધાત્માનો નિર્ણય કર.‘ હું જ્ઞાન આનંદ સ્વરૂપ ભગવાન આત્મા છું’ અને ભેદજ્ઞાન કર, ‘સર્વથા સર્વથી ભિન્ન છું.’
(૧૬) જે પ્રકારે પર વિષયોને શેય બનાવીને એમાં તારા ઉપયોગને એકાગ્ર કરે છે, એવી જ રીતે તારા શુધ્ધાત્માનું અંતરમાં ધ્યેય બનાવી સ્વવિષયમાં તારા
17
| SR No. | 006103 |
| Book Title | Aatma Praptino Saral Upay |
| Original Sutra Author | N/A |
| Author | Ramniklal Savla |
| Publisher | Ramniklal Savla |
| Publication Year | |
| Total Pages | 126 |
| Language | Gujarati |
| Classification | Book_Gujarati |
| File Size | 8 MB |