________________
એકલાપણા પર સવાર થઇ જાઓ-બસ આજ કરવાનું છે.
(૧૯) એકલાપણું કૈવલ્ય સુધી પહોંચાડે છે એ પરમ દશા સુધી પહોંચાડે છે-જેને લોકો પરમાત્મા કહે છે, મોક્ષ કહે છે, નિર્વાણ કહે છે-એકલા જ ત્યાં પહોંચાશે-ભીડ સાથે નહિ.
(૨૦) પહેલા માન્યતામાં સર્વથા સર્વથી ભિન્ન જ છું-પછી ‘રાગ’ થી પણ ભિન્ન પડવું પડશે અને છેવટે દેહથી પણ ભિન્ન પડી એ પરમાત્મા દશા પ્રાપ્ત થશે !
(૨૧) જ્યાં સુધી એકલાપણાથી બચશો તો સંસાર ઉભો જ છે. જ્યાં બીજા સાથે જોડાશો તો તમે તમારાથી દૂર થતા જશો. સંબંધોના બંધન એ ફક્ત ભ્રાંતિ-બંધન જ છે:
(૨૨) એનો મતલબ એમ નથી બધે ભાંગ ફોડ કરી નાખો અને ચાલતા થાઓ-ફક્ત જાણતા રહો બંધન એ બધો ખેલ છે, નાટક છે,-જે રોલ છે એ ભજવો પણ વાતને ભૂલતા નહીં-બંધન એ સંસારમાં વ્યસત રાખવાની ચાવી છે, ભૂલભૂલામણાની રમત છે. સંસાર એ સંયોગ છે-એકલા હોવું એ સ્વભાવ છે. કૈવલ્ય એ જ સ્વભાવ છે-એ જ સુખી થવાનો ઉપાય છે.
(૨૩) ઘર પરીવારમાં રહેવા છતાં એવો અનુભવ કરો કે એકલો જ છુ.આ શુભ ઘડીનો ઉપયોગ કરી લો- આનંદભાવથી એ માણી લો-અશાંતી મટી જશે. કોણ આપણું છે? અપેક્ષાઓ મટી જશે-શાંતી પ્રગટ થશે.
(૨૪) જેને તમે તમારા માની લો છો તે તરફથી અપેક્ષાની ભાવના સહજ આવી જાય છે. જ્યાં અપેક્ષા પૂર્ણ નથી થતી ત્યાં જ દુઃખનો સ્ત્રોત શરૂ થઇ જાય છે.
(૨૫) જે એકલો જીવવા લાગશે તે ધીરે ધીરે અનુભવ કરશે કે આખો સંસાર ઉપકાર અને અપેક્ષાથી દળાયેલો છે.
(૨૬) ‘હું એકલો છું” એ ભાવ ગહન છે. સ્મણા થવા લાગશે-આ દ્રષ્ટિની વાત છે-બધું જ એકલાપણામાં સુંદર લાગશે-બધું ભલું દેખાવા લાગશે-વિશ્રામનો અનુભવ થશે-થાક ઉતરવા લાગશે-અપેક્ષાનો થાક ઉતરવા લાગશે-લડાઇ બંધ થઇ જશે-નવું જીવન-નવું પ્રભાત-નવો પ્રકાશ !
103
