________________
કૃપાળુદેવનો અપૂર્વગ્રંથરત્ન શ્રી મોક્ષમાળા આત્મારામજી મહારાજ સાહેબના વાંચવામાં આવતાં તેમને આ ગ્રંથના કર્તા-પુરુષને મળવાની ઈચ્છા થઈ. આત્મારામજી મહારાજે સંદેશો મોકલ્યો કે આપણે એક વખત મળીએ. પરમ કૃપાળુદેવે જવાબ મોકલ્યો કે “અમે મળવા આવશું ત્યારબાદ કૃપાળુદેવ આત્મારામજી મહારાજને મળ્યા. આત્મારામજી મહારાજ તે વખતે વિશેષાવશ્યક ભાષ્ય વિચારતા હતા. એ ગ્રંથ પરમ ગહન છે. કૃપાળુદેવ સાથે આત્મારામજી મહારાજે એ ગહન ગ્રંથમાં આવેલ સૂક્ષ્મ વસ્તુની ચર્ચા કરી, ત્યાં શ્રી કૃપાળુદેવે જવાબ આપ્યો કે “અમે એ જ વિચારમાં છીએ.' પ્રથમ સમાગમે ત્રણ-ચાર કલાક જ્ઞાનવાર્તા ચાલી હતી. તે પછી ફરીથી બે વખત સમાગમ થયેલ.
અનોપચંદભાઈએ પ્રશ્નોતર રત્નચિંતામણિ લખ્યો છે તેમાં શ્રીમદ્ રાજચંદ્રનો ઉલ્લેખ જ્યોતિષના વિષય પરત્વે બહુમાનપૂર્વક કરેલા છે.
સં. ૧૯૫૨માં અનોપચંદભાઈ ગંભીર માંદગીથી ઘેરાઈ ગયા તે વખતે તેમણે શ્રીમદ્ ઉપર સમાધિમરણની માંગણી કરતો એક પત્ર લખ્યો તેનો ઉતર પત્ર વચનામૃત નં. ૭૦૨માં છે.
– સત્સંગ સંજીવની, નોંધઃ આ સંસ્મરણનો વિષય નવીન ઉપલબ્ધ થયેલ છે. પાના ક્રમાંક- ૧૬૯ થી ૧૭૫
