________________
- શ્રીમદ્ગી સૂત્રમાં સૂક્ષ્મ ધર્માનુભૂતિ તંતોતંત શબ્દબદ્ધ કરવામાં ગુજરાતી ભાષા કાર્યક્ષમ નીવડે છે. શ્રીમદ્ મનુષ્યજીવનને કેટલા ઊંડાણથી જુએ છે, કેટલી સૂક્ષ્મતાથી જુએ છે તે એમના ઉદ્ગારો પ્રગટ કરી દે છે. શ્રીમનું ગદ્ય સાહિત્ય અત્યંત સમૃદ્ધ એવા ગુજરાતી ગદ્યના ઈતિહાસમાં એક સીમાસ્તંભરૂપ છે. શ્રીમદ્ગી વાગ્મિતા પાછળ સચ્ચાઈ ધબકે છે અને એ સતત એક આત્મવીરના વ્યક્તિતત્વનું પોત આપણને અનુભવગોચર કરાવે છે.
– શ્રી ઉમાશંકર જોષી શ્રીમદ્ જન્મ શતાબ્દી અંકમાંથી
ભારતદેશમાં આત્મા સાથે રત થઈ ગયેલા જે વિરલ પુરુષો થઈ ગયા એમાં શ્રીમદ્ રાજચંદ્રજીનું સ્થાન આગવું હતું. નાની વયમાં એમને આત્મા સાથે એવો અનુરાગ થયો હતો કે આત્માનુભવન સિવાય બીજું બધું એમને નિરર્થક લાગ્યું હતું. આથી એમણે એવી સાધના કરી કે તેઓ શ્રી રમણ મહર્ષિ વગેરેની હરોળમાં બહુ નાની વયે પહોંચી ગયા હતા.
આવા મહાપુરુષની આપ સૌ શતાબ્દી ઉજવો છો એવે વખતે હું તો શું લખું? હું એમને ભક્તિભાવે વંદન કરૂ છું અને એમણે ચીધેલ માર્ગે યથાશક્તિ ચાલવાની પ્રેરણા મળે એવી પ્રાર્થના કરું છું.
– રવિશંકર મહારાજ શ્રીમદ્ જન્મ શતાબ્દી અંકમાંથી
શ્રીમદ્ સંસારને કાળકૂટ વિષ જોતા હતા. આખી મુંબઈને સ્મશાન સમાન જોતા હતા. નારિયેળનો ગોળો જેમ જુદો રહે તેમ તે સંસારથી અલિપ્ત રહેતા હતા. હીરા-માણેકનો વેપાર કરવા છતાં જનક વિદેહીની જેમ તેનાથી અલિપ્ત રહેતા હતા.
– શ્રી પ્રભાબેન સૌભાગ્યચંદ્ર શાહ
શ્રીમદ્ જન્મ શતાબ્દી અંકમાંથી
