________________
ભૂમિમુનિ બિસ્કૃમિ૯િ મિ.
ભાગ નહિ, ભાવ થોડા વર્ષ પહેલાંની જ આ વાત છે નવદ્વીપમાં રામમણિ અને રધુમણિ એ બન્ને ભાઈઓ મહાપંડિતો તરીકે જાણીતા હતા. એમને જેમ વિદ્યા વરી હતી તેમ લક્ષ્મી પણ મળી હતી. બન્ને વચ્ચે પ્રેમ એવો કે જાણે પૂછ્યું અને પરાગ. એક દિવસ મોટાભાઈ રામમણિએ જ કહ્યું: “રઘુ! હવે આપણે આ મિલકત વહેંચી નાખીએ.”
“મોટાભાઈ! તમે આ શું બોલ્યા? મૂર્ખાઓ તો જુદા થાય પણ આપણે પંડિતો પણ જુદા થઈશું?”
રામે પ્રેમથી કહ્યું: “આપણે જુદા થોડા જ થઈએ છીએ? આપણને કોણ જુદા પાડી શકે તેમ છે? આ તો મિલકત છોકરાઓને વહેંચી દઈએ જેથી આ તુચ્છ વસ્તુ માટે એ લોકો ભવિષ્યમાં લડીને વેરઝેર ન કરે.”
રામને ત્રણ પુત્ર હતા. રધુને એક જ. રામે મિલકતના બે ભાગ પાડ્યા. એક ભાગમાં પોતાના ત્રણ પુત્ર અને બીજામાં નાના ભાઈનો એક પુત્ર. આ ભાગથી ખુશી થવાને બદલે નારાજ થઈ રઘુએ કહ્યું: “ભાઈ, તમે આ શું કર્યું? આપણે જુદા થતા હોત તો બે ભાગ પડત, પણ આપણે તો પુત્રોને વહેંચણી કરી આપીએ છીએ. માટે ચાર સરખા ભાગ પાડે અને પુત્રોને સરખા વહેચે તો જ મને સુખ થાય.” એમ કહી, રઘુએ પોતે જ ચાર ભાગ વહેંચી આપ્યા!
