________________
શ્રી અનંતનાથજી
492
પાસે ચોક્કસ નિદાન છે, ચોક્કસ ઔષધ છે અને ચોક્કસ ચિકિત્સા છે. તેથી જ તે ભવરોગીને, આત્માનું આરોગ્ય બક્ષી નિરોગી બનાવે; તે એવો કે, પછી પાછો ક્યારેય રોગી નહિ થાય.
માલિક અને સેવક, ગુરુ અને શિષ્ય, ભગવાન અને ભક્તનું કોઈ વલંત આદર્શ ઉદાહરણ હોય, તો તે વર્તમાન ચોવીસીના, ચરમ તીર્થપતિ, શાસનપતિશ્રી, મહાવીરસ્વામીજી અને એમના પરમ વિનીત ગુરુ ગૌતમ ગણધર છે. જેઓ વર્તમાનમાં, સિદ્ધશિલા ઉપર, લોકાગ્ર-શિખરે, સિદ્ધપદે બિરાજમાન છે. જે સાચો શિષ્ય બની શકે તેજ સાચો ગુરુ થઈ શકે. In order to command, first you have to obey. Alan Hollani આવ્યા વિના ગુરુત્તમપદ સાંપડે નહિ. ગૌતમ મહારાજાને તો ભગવાનની આજ્ઞા જ પોતાની ઈચ્છા હતી અને ભગવાનની મતિ એ જ પોતાની મતિ હતી. ત્યારે જ તો ૫૦,૦૦૦ કેવળી ભગવંતના છદ્મસ્થ ગુરુ હોવા છતાં પણ, વીરપ્રભુની આજ્ઞા થતાં; કામદેવ શ્રાવકની ક્ષમા માંગવા, એક પણ ખોટો વિકલ્પ કર્યા વિના, તહત્તિ કહીને નીકળી પડ્યા!
આવી સેવાને માટે, જે યોગ્ય સેવ્ય છે, તેના સાલોક્ય અને સામીપ્યની આવશ્યકતા છે.
સાલોક્ય અને સામીપ્ય મળે, તો સેવ્યની સેવા થઈ શકે અને સેવ્ય-સેવકના સાયુજ્યને સાધી શકાય.
વર્તમાનમાં આપણા કમભાગ્ય છે કે, જ્યાં પ્રભુ ભાવનિક્ષેપે સદેહે વિદ્યમાન છે, તે પરમાત્માના ક્ષેત્ર અને કાળ આજે મળ્યાં નથી. વર્તમાને આપણા જંબુદ્વિપના મહાવિદેહક્ષેત્રના પુખ્તલવઈ વિજયમાં વિચરતાં, વિદ્યમાન, શ્રી સીમંધર સ્વામીનું અને આપણું ક્ષેત્ર જુદુ છે. શ્રી મહાવીર સ્વામીજીનું ક્ષેત્ર તો મળ્યું છે પણ, એમની વિદ્યમાનતાનો કાળ મળ્યો
આંખમાં અવિકારીતા, વયનમાં સ્યાદ્વાદતા, વર્તનમાં નિર્લેપતા અને ભાવમાં સમતા એ આત્મજ્ઞાનીના લક્ષણ છે, જે મુમુક્ષુ સહેજે ઓળખી લે છે.
