________________
૪૬
લઘુ શાંતિ સ્તવ સૂત્રા
સૂત્ર પરિચય:
આ સૂત્રમાં શાંતિનાથ ભગવાનની સ્તવના કરવામાં આવી છે, માટે તેનું નામ શાંતિસ્તવ છે. પંચ-પ્રતિક્રમણમાં આવતા બૃહતુશાંતિસ્તોત્ર કરતાં આ સૂત્ર નાનું હોવાથી તેને લઘુશાંતિ પણ કહેવાય છે.
આ સૂત્રની રચના પાછળ એક મોટો ઇતિહાસ છે. વીર નિર્વાણની લગભગ સાતમી સદીના અંતમાં તક્ષશિલા નામની મહાનગરીમાં શાકિની નામની વ્યંતરીએ ઉપદ્રવ કર્યો. તેના કારણે આંખા નગરમાં મરકી નામનો રોગ ફાટી નીકળ્યો. શ્રીસંઘના અનેક સભ્યો મૃત્યુના મુખમાં હોમાવા લાગ્યા. સંઘની આ હાલતથી ચિંતાતુર બનેલા સંઘના અગ્રણીઓએ શાસનરક્ષક દેવદેવીઓનું સ્મરણ કર્યું. શાસનદેવે પ્રત્યક્ષ થઈ જણાવ્યું કે, “નાડોલ નગરમાં પરમતપસ્વી, નિર્મળ-બ્રહ્મચારી, પરોપકારનિષ્ઠ પ.પૂ. માનદેવસૂરીશ્વરજી મહારાજા બિરાજે છે. તેઓના પાદપ્રક્ષાલનનું જળ સંઘના દરેક ઘર ઉપર છાંટવાથી ઉપદ્રવ શમી જશે.” શાસનદેવનું સૂચન સાંભળી સંઘના અગ્રગણ્ય શ્રાવકો તુરત જ નાડોલ પહોંચ્યા. ત્યાં સૂરિજી ધ્યાનમાં મગ્ન હતા. સંઘના સભ્યો દર્શન કરી ત્યાં જ ઊભા રહ્યા. જ્યારે ધ્યાનદશા પૂર્ણ થઈ ત્યારે સંઘના વિવેકી સભ્યોએ સૂરિજીને પોતાના ગામની સ્થિતિથી વાકેફ કર્યા અને ત્યાં પધારવા આગ્રહભરી વિનંતી કરી, પરંતુ કેટલીક પ્રતિકૂળતાના કારણે પૂજ્યશ્રી
* ક્યાંક શાકંભરી નગરીનો પણ ઉલ્લેખ છે.
