Page Text
________________
માયાથી, ભયથી કે હાસ્યથી કે પરના આગ્રહથી, સૂક્ષ્મમૃષા પણ જે નવિ બોલે, વચનસિદ્ધિ તે પામે. ધન. ૭૩
એ રીતે છ’રીપાલિત સંઘોમાં-તીર્થોમાં પણ રસોડામાં રસોઈ બનાવનાર રસોઈયાને કંઈ ખબર પણ ન હોય કે આ મને બનાવવાની કહેવાયેલી વસ્તુ કોના માટે છે ? એ તો માલિકના આદેશ પ્રમાણે વસ્તુ બનાવી આપે. પણ એ માલિક જો સાધુના માટે જ એ વસ્તુ બનાવડાવતો હોય તો એ વસ્તુ આધાકર્મી જ ગણાય. આમાં ખોટી છેતરપીંડી કરવી નહિ.
(છ) જેના ઘરે જે દિવસે આધાકર્મી બને એ ઘર આખું એ દિવસે આધાકર્મી ગણાય. અર્થાત્ એ દિવસે એના ઘરે એ આધાકર્મી વસ્તુ તો આધાકર્મી ગણાય જ. પણ એ સિવાયની તમામ વસ્તુઓ પણ આધાકર્મી જ ગણાય.
દા.ત. સાધુએ ગ્લાન માટે એક ભક્તિમંત શ્રાવિકાને ત્યાં શીરો બનાવડાવ્યો કે ઉકાળો કરાવ્યો. હવે એ જ દિવસે એ ઘરથી રોટલી-શાક-દાળ -ભાત-દૂધ વગેરે તો ન જ વહોરાય પરંતુ ખાખરા-ખાંડ-સુંઠ-પીપરીમુળ-ગોળ વગેરે સુકી વસ્તુઓ પણ ન વહોરાય. જો એ વહોરવામાં આવે તો એ બધું આધાકર્મી ગણાય.
(૫૩)શાસ્ત્રકારોએ એ ઘરને એ દિવસ માટે આધાકર્મી ગણેલ છે. એનો અર્થ જ એ કે દિવસે એ ઘરની કોઈપણ વસ્તુ વહોરવામાં આધાકર્મી દોષ લાગે જ.
આજે તો સાધુ-સાધ્વીજીઓને માંદગી વગેરે ઘણા કારણોસર આધાકર્માદિ કરાવવું પડતું હોય છે. હવે જે ઘરમાં તેઓ કરાવે એ જગ્યાએ બીજા ગ્રુપના સંયમીઓ ય વહોરવા જતા હોય. તેઓને તો એ ખબર જ ન હોય કે અહીં આધાકર્મી બને છે. એટલે તેઓ બધી વસ્તુ ર નિર્દોષ સમજી વહોરે. આમ તેઓને પણ આધાકર્માદિ ભક્ષણનો દોષ લાગે.
રે ! બીજા ગ્રુપવાળા તો ત્યાં અજાણતા વહોરે પણ જે ગ્રુપના સંયમી માટે ત્યાં આધાકર્મી કરાવેલું હોય, તે ગ્રુપના બાકીના સંયમીઓ જાણતા હોવા છતાં ય તે ઘરમાં બીજી બધી વસ્તુઓ વહોરતા હોય છે. તેઓ એમ જ સમજે છે કે “ગ્લાન માટે સ્પેશ્યલ બનાવેલ વસ્તુ જ આધાકર્મી છે. એ સિવાયની બીજી વસ્તુઓ આધાકર્મી નથી.” પણ આ મોટી ભ્રમણા છે. સ્પષ્ટ શાસ્રવચન છે કે “જ્યાં જે દિવસે આધાકર્મી બને, ત્યાં એ દિવસે એ ઘર જ આધાકર્મી ગણવું.”
એટલે જ સંયમીઓએ ઝટઝટ શ્રાવકોના ઘરે આધાકર્મી બનાવડાવવું જ નહિ કેમકે એમાં બીજા ય અનેક સંયમીઓ જાણે અજાણે દોષના ભાગીદાર બને. છતાં ગાઢ કારણસર બનાવડાવવું જ પડે તો એ શ્રાવિકાને એટલી સૂચના આપવી કે → તમારા ઘરે બીજા કોઈપણ સંયમી વહોરવા આવે તો તમારે એટલું કહી દેવું કે-સાહેબ ! અહીં અમુક સાધુ-સાધ્વી માટે આધાકર્મી બને છે.” પછી એ સંયમી વહોરે તો વહોરાવવું. પણ આટલું તો કહી જ દેવું.←
જો આ બધી જયણા સચવાય તો આધાકર્મી નામના અતિભંયકરદોષથી બચાય, નહિ વીર વીર વીર વીર વીર અષ્ટપ્રવચન માતા ♦ (૩) વીર વીર વીર વીર વીર
| SR No. | 005775 |
| Book Title | Asht Pravachan Mata |
| Original Sutra Author | N/A |
| Author | Gunhansvijay |
| Publisher | Kamal Prakashan Trust |
| Publication Year | 2006 |
| Total Pages | 328 |
| Language | Gujarati |
| Classification | Book_Gujarati |
| File Size | 9 MB |