Page Text
________________
- મુદ્દતા : કટુવચન સુણી ગુરુના, જેને હૈયે હર્ષ ન માતો, કહો કહો ઓ ગુરુવર અમને, પાય પડી જે કહેતા. ધન. ૧૩
૩. ઉત્સર્ગ-અપવાદ
(૧૦)જિનશાસનને સ્પર્શેલા કોઈપણ આત્માનું એકમાત્ર લક્ષ્ય મોક્ષ જ હોય. કર્મોને પરવશ બની સંસારસુખોમાં એ જીવો લપેટાઈ જાય એ એક જુદી વાત છે. પણ એ શાસનસ્પર્શી આત્માને ક્યારેય પણ પુછવામાં આવે કે “ખરેખર મેળવવા જેવું શું ?” તો એ રોમે રોમથી આર્તનાદ કરે જ કે “મોક્ષ સિવાય આ સંસારમાં કશુંય ઉપાદેય નથી.”
આ મોક્ષ માટે ચૌદમું ગુણસ્થાનક મેળવવું જ રહ્યું. કેમકે એ પછી જ સિદ્ધિપદની પ્રાપ્તિ
થાય.
ચૌદમું ગુણસ્થાનક એટલે મન-વચન-કાયાના યોગોનો સંપૂર્ણ નિરોધ ! તીર્થકરો, કરોડો કેવલીઓ પણ ઘાતીકર્મોનો ક્ષય થઈ ગયા બાદ પણ જ્યાં સુધી આ ત્રણ યોગોનો સંપૂર્ણ નિરોધ ન કરી લે ત્યાં સુધી તેઓ પરમપદને પામી શકતા નથી જ.
વળી સિદ્ધાત્માઓએ પોતાનું વાસ્તવિક સ્વરૂપ મેળવી લીધું છે, અને તેઓ એક પણ કર્મ બાંધતા નથી જ. આનો અર્થ જ એ કે આત્માનો મૂળ સ્વભાવ તો એજ છે કે કોઈપણ પુદ્ગલ સાથે લેશ પણ સંબંધ ન કરવો. પણ કેવલી ભગવંતો તો હજી શાતાવેદનીય કર્મ બાંધે છે. ૨ અને એનું કારણ એમના મન-વચન-કાયાના યોગો છે. એટલે જ આ યોગો આત્માનો મૂળસ્વભાવ તો નથી જ. એ તો આત્માના મૂળસ્વભાવના બાધક તત્ત્વો છે. માટે જ જેમ બધા ય પાપકાર્ય હેય છે, ત્યાજ્ય છે. એમ સારા-સુંદર મન-વચન-કાયાના યોગો પરમાર્થથી તો હેય જ છે, ત્યાજ્ય જ છે. શાસ્ત્રીય પદાર્થોનું અદ્ભુત ચિંતન, કરોડો જીવોને ધર્મનો ઉપદેશ, ગુરુસેવા, વિહારાદિ શુભ ક્રિયાઓ... આ બધુજ અત્યંત શુધ્ધનયની દૃષ્ટિએ વિચારીએ તો એ જીવના મૂળસ્વભાવ સ્વરૂપ ન હોવાથી એ હેય છે, ત્યાજ્ય છે.
માટે જ શુદ્ધ નિશ્ચયનો ઉત્સર્ગમાર્ગ એ જ છે કે કોઈપણ પ્રકારની પ્રવૃત્તિ ન કરવી. મનથી કંઈ જ ન વિચારવું, જીભથી કંઈજ ન બોલવું, કાયાથી લેશ પણ હલનચલન ન કરવું. આપણી પાસે અત્યારે ત્રણેય યોગોનો સંપૂર્ણ નિરોધ કરવાનું સામર્થ્ય જ નથી. આ બધું તો છેક તેરમાં-ચૌદમાં ગુણસ્થાને થાય. જ્યારે આજે તો છઠ્ઠા-સાતમાં ગુણસ્થાનથી વધારે તો આગળ વધી શકાતું જ નથી.
પણ એનો અભ્યાસ, એની પ્રેક્ટીસ તો અત્યારથી જ કરવાની છે. અનાદિકાળના આપણા સંસ્કાર પ્રવૃત્તિ કરવાના જ છે. એટલે ગમે તે બહાને આપણને પ્રવૃત્તિમાં રહેવું જ વધારે ગમે છે. એટલે હવે સિદ્ધપદની પ્રાપ્તિ માટે ધીમે ધીમે નિવૃત્તિનો અભ્યાસ કરવો જરૂરી
વીર વીર વીર વીરા વીર અષ્ટપ્રવચન માતા ૦ (૧૩) વીર વીર વીર વીર વીર
| SR No. | 005775 |
| Book Title | Asht Pravachan Mata |
| Original Sutra Author | N/A |
| Author | Gunhansvijay |
| Publisher | Kamal Prakashan Trust |
| Publication Year | 2006 |
| Total Pages | 328 |
| Language | Gujarati |
| Classification | Book_Gujarati |
| File Size | 9 MB |