________________
સેવા હો મુક્તિ મેવા
સેવા હો મુક્તિ મેવા મારી હૈયાની સેવા સ્વીકારો પ્રભુ ! મને મુક્તિના મેવા ચખાડો પ્રભુ ! સેવા...૧
આપુ જનમોજનમથી પરીક્ષા, હવે પરિણામની છે પ્રતિક્ષા મારા જનમોનો અંત, ક્યારે આવે ભગવંત મોટી મનડાની ચિંતા મટાડો પ્રભુ ! મટાડો પ્રભુ સેવા...૨ મેં તો રાખી નથી કોઈ ખામી, તોયે રીઝ્યા નહીં કેમ સ્વામી ? મારો શું છે અપરાધ ? હું તો શોધું દિનરાત મારી ભક્તિની ખામી સુધારો પ્રભુ ! સુધારો પ્રભુ સેવા...૩ બોજો ભવનો ઘણો મેં ઉપાડ્યો, લાંબો મારગ પ્રભુ ! મેં ખુટાડ્યો હવે લાગે છે થાક, થોડો લંબાવો હાથ મારે માથેથી બોજો ઉતારો પ્રભુ ! ઉતારો પ્રભુ સેવા...૪ મુક્તિ મળે કે ના મળે...
મુક્તિ મળે કે ના મળે... મારે ભક્તિ તમારી કરવી છે. મેવા મળે કે ના મળે... મારે સેવા તમારી કરવી છે. મુક્તિ.૧ મારો કંઠ મધુરો ન હોય ભલે, મારો સૂર બેસૂરો હોય ભલે, શબ્દો મળે કે ના મળે, મારે સ્તવના તમારી કરવી છે. મુક્તિ.ર આવે જીવનમાં તડકા છાયા, સુખદુઃખના પડે ત્યાં પડછાયા, કાયા ૨હે કે ના રહે, મારે માયા તમારી કરવી છે. મુક્તિ. ૩ હું પંથ તમારો છોડું નહીં ને દૂર દૂર ક્યાંય દોડું નહિ, પુણ્ય મળે કે ના મળે, મારે પૂજા તમારી કરવી છે. મુક્તિ.૪
Jain Education International
For Perovate Use Only
elibrary.org
