________________ जे बंभवयपहाणा पुरिसा बंभा वि तेसि पणमेइ / नत्थि असझं कज्ज तेसि सयले वि भुवणे वि... // 9 // तेसिं न अस्थि अपिओ न पिओ ते सयलदुक्खदूरचरा / . . जे सयलपरिग्गहनिग्गहेण सव्वत्थ वटुंति .. // 10 // कयकल्लाणकलावा ते इह नणं नरा न उण अन्ने / विसहरविसरोगसमं मिच्छत्तं जेहि परिचत्तं . // 11 // कोहो कद्दमकोहो व्व कस्स न हु होइ पत्तवित्थारो / उव्वेयकारणं दारुणाण दुक्खाण मूलखणी // 12 // माणो विणयविणासो माणो दुक्खदुमोदगसमाणो / माणो अमाणवसणो माणा नाणाइगुणहाणी // 13 // माया य वाउली विव उच्छालइ दोसधूलिमइबहलं / जीएँ परद्धा जीवा न दोसगुणदंसिणो झेति // 14 // लोहो भुयंगमो विवं लद्धपयारो विसंठुलं कुणइ / उद्दामदोसविसवेगदूसियं कं न जियलोए ? // 15 // एवंविहा कसाया कसिणा निक्कासिया मणगिहाओ / निम्मलसमाहिजोगा जेहिं सुहं ते जियंति जए / // 16 // एयगुणाराहणओ जो जो धम्मो जया जया कोई / ' कीरइ सो परिणामे अमयं व सुहावहो होइ // 17 // तिहुयणजणनमणिज्जो जिणो सया परमभत्तिमंतेहिं / पुज्जो नमंसणिज्जो संभरणिज्जो विहाणेणं // 18 // पंचविहायारपरा परोवयारुज्जया सया कालं / गुणिणो मुणिणो य मणे गुरुत्तणेणं ठवेयव्वा . // 19 // संझादुगसज्झाओ पच्चक्खाणं खणे खणे परमं / / .. चित्तमलपावणाओ य भावणाओ सरेयव्वा // 20 // 68
