________________ जिणवयणाणणुवयणा, चंदप्पहमाइणो अ सव्वे वि। णेअमजुत्तं जम्हा, सयं पि ते हंति तित्थयरा। // 71 // तम्मूला पइमग्गं, भिण्णाभिण्णेव पकिरिया हुज्जा / जह अण्णउत्थियाणं, अण्णाणस्सेव माहप्पा // 72 // तम्मुहधम्मिअसद्दा, सोउमकप्पा तहा सुदिट्ठीणं / जह गुट्ठमाहिलमुह-धम्मकहासवणपडिसेहो // 73 // एएणं लोउत्तर-उम्मग्गा सव्वहा अदट्ठव्वा। णिज्जुत्तीए भणिआ, अणुभणिआ पुव्वसूरीहिं . // 74 // एवं च सुत्तमत्थं, सम्मं जाणिंसु तित्थपंडिवक्खा। ता अणुओगद्दारं, चइंसु जह महाणिसीहं पि // 75 // जं अणुओगे आगम, तिविहो दुविहो अ अणुगमो भणियो। सो तस्सेव पमाणं, जस्स य णिज्जुत्तिपंमुहं पि // 6 // णिज्जुत्तिभासचूण्णी, जिणिदभणिआ य जाउ वुच्छिना / ता वित्थरत्थसुत्ता, अण्णह सुत्तत्थवुच्छेओ .. // 77 // तत्थ वि केई तित्था, विणिग्गया केई सयं समुप्पण्णा। मुच्छिअणाडिसमुच्छिम-कप्पा सव्वे वि अव्वत्ता // 78 // लोइयमिच्छत्तं पुण, सरूवभेएण हुज्ज चउभेअं। अभिगहिअ 1 मणभिगहियं 2, संसइयं 3 तह अणाभोगं // 79 // तत्थ वि जमणाभोगं, अव्वत्तं सेसगाणि वत्ताणि / चत्तारि वि जं णिअमा, सण्णीणं हुंति भव्वाणं // 8 // भव्वा वि अववहारिअ-ववहारिअभेअओ दुविगप्पा। . . अववहारिअकालो, अणंतपुग्गलपरावट्टा // 81 // ववहारीणं णिअमा, संसारो जेसि हुज्ज उक्कोसो। तेसिं आवलिअअसंख-भागसमपुग्गलपट्टा // 82 //
