________________ तह सुअधम्माओ च्चिय असई पि अपत्तविरिअपरिणामो। उल्लसई तत्तो चिअ भव्वो जीवो विसुज्झइ अ. // 1044 // तस्सेव य (वे) स सहावो जं तावइएसु तह अईएसु / सुअसंजोएसु तओ तहाविहं वीरिअं लहइ . // 1045 // आहेवं परिच्चत्तो भवया णिअगोऽत्थ कम्मवाओ उ। भणिअपगाराओ खलु सहाववायब्भुवगमेणं // 1046 // भण्णई एगंतेणं अम्हाणं कम्मवाय नो इट्ठो। ण य णो सहाववाओ सुअकेवलिणा जओ भणिअं // 1047 // आयरियसिद्धिसेणेण सम्मईए पइट्ठिअजसेणं / दूसमणिसादिवागरकप्पत्तणओ तदक्खेणं // 1048 // कालो सहाव निअई पुवकयं. पुरिसकारणेगंता / मिच्छत्तं ते चेव उ समासओ होंति सम्मत्तं // 1049 // सव्वे वि अ कालाई इअ समुदाएण साहगा भणिआ। जुज्जति अ एमेव य सम्मं सव्वस्स कज्जस्स // 1050 // न वि कालाईहितो केवलएहिं तु जायए किंचि।। इह मोग्गरंधणाइ वि ता सव्वे समुदिया हेऊ // 1051 // . एत्थं पि ता सहावो इट्टो एवं तओ ण दोसो णं। . सो पुण इह विनेओ भव्वत्तं चेव चित्तं तु // 1052 // एअं एगंतेणं तुल्लं चिअ जइ उ सव्वजीवाणं / ता मोक्खो वि हु तुल्लो पावइ कालादभेएणं // 1053 // ण य तस्सेगंतेणं तहासहावस्स कम्ममाईहिं / जुज्जइ फले विसेसोऽभव्वाण वि मोक्खसंगं च // 1054 // कम्माइ तस्सभावत्तणं पि नो तस्स तस्सभावत्ते। . फलभेअसाहगं हंदि चिंतिअव्वं सुबुद्धीए . . // 1055 //
