________________ नवरं सम्मं धारय अन्नेसिं तह पवेअह भणाइ। इच्छामणुसट्ठीए सीसेण कयाइ आयरिओ - // 960 // तिपयक्खिणीकए तो उवविसए गुरु कए अ उस्सग्गे / सणिसेज्जत्तिपयक्खिण वंदण सीसस्स वावारो // 961 // उवविसइ गुरुसमीवे सो साहइ तस्स तिनि वाराओ। आयरियपरंपरएण आगए तत्थ मंतपए // 962 // देइ तओ मुट्ठीओ अक्खाणं सुरभिगंधसहिआणं / वडंतिआओ सो वि अ उवउत्तो गिण्हई विहिणा // 963 // उठेति निसिज्जाओ आयरिओ तत्थ उवविसइ सीसो। तो वंदइ गुरू तं सहिओ सेसेहिं साहूहिं // 964 // भणइ अ कुण वक्खाणं तत्थ ठिओ चेव तो तओ कुणइ / णंदाइ जहासत्ती परिसं नाऊण वा जोग्गं // 965 // आयरियनिसिज्जाए उवविसणं वंदणं च तह गुरुणो। तुल्लगुणखावणट्ठा न तया दुटुं दुविण्हं पि . // 966 // वंदंति तओ साहू उट्ठइ अ तओ पुणो णिसिज्जाओ। तत्थ निसीअई गुरू उववूहण पढममन्ने उ // 967 // धण्णो सि तुमं णायं जिंणवयणं जेण सव्वंदुक्खहरं। ता सम्ममिअं भवया पउंजियव्वं सया कालं // 968 // इहरा उ रिणं परमं असम्मजोगो अजोगओ अवरो। ता तह इह जइअव्वं जह एत्तो केवलं होइ // 969 // परमो अ एस हेऊ केवलनाणस्स अन्नपाणीणं / मोहावणयणओ तह संवेगाइसयभावेण // 970 // एवं उववूहेडं अणुओगविसज्जणट्ठ उस्सग्गो। कालस्स पडिक्कमणं पवेअणं संघविहिदाणं // 971 // 81
