________________ तत्थ वि अ धम्मझाणं न य आसंसा तओ अ सुहमेव / सव्वमिअमणुट्ठाणं सुहावहं होइ विनेअं . // 216 // चारित्तविहीणस्स अभिसंगपरस्स कलुसभावस्स। अण्णाणिणो अ जा पुण सा पडिसिद्धा जिणवरेहि // 217 // भिक्खं अडंति आरंभसंगया अपरिसुद्धपरिणामा। दीणा संसारफलं पावाओ जुत्तमेअंतु // 218 // ईसिं काऊण सुहं निवाडिआ जेहिं दुक्खगहणम्मि / मायाएँ केइ पाणी तेसिं एआरिसं होइ // 219 // चईऊण घरावासं तस्स फलं चेव मोहपरतंता / ण गिही ण य पव्वइआ संसारपवड्डगा भणिआ // 220 // एएणं चिअ सेसं जं भणिअं तं पि सव्वमक्खित्तं / सुहझाणाइअभावा अगारवासम्मि विण्णेअं // 221 // मुत्तूण अभयकरणं परोवयारो वि नत्थि अण्णो त्ति / दंडिगितेणगणायं न य गिहवासे अविगलं तं // 222 // तेणस्स वज्झनयणं विद्दाणग रायपत्तिपासणया। निवविन्नवणं कुणिमो उवयारं किं पि एअस्स // 223 // रायाणुण्णा ण्हवणग विलेवणं भूसणं सुहाहारं / अभयं च कयं ताहि किं लटुं ? पुच्छिए अभयं // 224 // गिहिणो पुण संपज्जइ भोअणमित्तं पि निअमओ चेव। छज्जीवकायघाएण ता तओ कह णु लट्ठो त्ति ? // 225 // गुरुणो वि कह न दोसो तवाइदुक्खं तहा करितस्स। सीसाणमेवमाइ वि पडिसिद्धं चेव एएणं // 226 // परमत्थओ न दुक्खं भावम्मि वि तं सुहस्स हेउ त्ति। / जह कुसलविज्जकिरिआ एवं एअंपि नायव्वं // 227 // 19
