________________ मियसुंदरी उ लोए अणट्ठदंडम्मी वीरसेणनिवो / सामाए धणमित्तो धणदो देसावगासम्मि // 1270 // पोसहवयम्मि हु देवकुमरो तह पेयकुमरदिता / गुणधरगुणाकराणं दिटुंता अइहिसंभागे // 1271 // आहारभयपरिग्गह मेहुण तह कोह माण मायाए / लोभे लोगे ओघे सन्नदस भेया सव्वजीवाणं // 1272 // रुक्खाण जलाहारो समिच्च सत्थं भएण संकुचए / नियतंतेहिं वेढइ वल्ली रुक्खं परिग्गहेइ // 1273 // कुरुंबयतरुणो .फुल्लंति जत्थ आलिंगण तरुणीणं / तरुणीपयोहरपुट्ठा असोयतरुणो वि वियसंति // 1274 // तरुणीमइरागंधेण तोसिया केसरा वि कुसुमंति / चंपयतरुणो वरुणो फुलंति सुरहिजलसिच्चा // 1275 // वियसंति तिलयतरुणो तरुणिकडक्खेहिं पडिहया जत्थ / फुलंति विरहरुक्खा सोऊणं पंचमुग्गारं . // 1276 // सिणगार चारुवेसो तरुणीतंबोलसंमओ तारो। पायं कोकणदस्स कंदो हुंकारो मुयइ कोहेण // 1277 // माणे झरइ रुयंती च्छायई वल्ली फलाण मायाए / लोहे बिल्लपलासा ठवंति मूले निहाणुवरि // 1278 // रयणीए संकोओ कमलाणं होइ लोगसण्णाओ / ओहे चइत्तु मग्गं चढंति रुक्खेसु वल्लीओ. // 1279 // एगिदियजीवाण वि इय दस सन्ना जिणेहिं पण्णत्ता / न हु हुंति. मोहसुहदुह-वितिगिच्छासोगधम्माय // 1280 // सन्नाणं लेसाणं भेओ वा अत्तवेयणा सण्णा / सा दुविहा जीवाणं सुद्धासुद्धा य वीरियभवा // 1281 // ૨પ૧
