________________ तालपुडं गरलाणं जह बहुवाहीण खित्तओ वाही / दोसाणमसेसाणं तह अविगिच्छा मुसादोसो // 1138 // जं जं वच्चइ जाइं अप्पियवाई तहिं तहिं होइ / न य सुणइ सुहे सद्दे सुणइ य सोयव्वए सद्दे // 1139 // दुग्गंधो पूइमुहो अणिट्ठवयणो अफरुसवयणो य / . जलएलमूयमम्मण अलियवयणजपणे दोसा // 1140 // इह लोए च्चिय जीवा जीहाछेयं वहं च बंधं च / अयसं धणनासं वा पावंति य अलियवयणाओ // 1141 // . सामी जीवादत्तं तित्थयरेणं तहेव य गुरुहि / एवमदत्तसरूवं परूवियं आगमधरेहिं // 1142 // सामी अदत्तं सड्डाण पडिसेहो थूलओ जईण पुणो / सव्वमदिन्नादाणं चउप्पयारं भवे जम्हा ' // 1143 // चोराणीयं 1 चोरप्पओगगं 2 कूडमाणतुलकरणं च 3 / रिउरज्जववहारो 4 सरिसजुई 5 तंइयवयदोसा . // 1144 // उचियं मुत्तूण कलं दव्वाइकमागयं च उक्करिसं / नियडियमजाणंतो परस्स संतं न गिण्हिज्जा // 1145 // भलणं 1 कुसलं 2 तज्जा 3 रायभेया 4 वलोयणं / अमग्गदंसणं 6 सिज्जा 7 पयभंगो 8 तहा पुणो // 1146 // विस्सामण 9 पायपडणं 10 चासणं 11 गोवणं 12 तहा / महरज्जा 13 तहपद्दा 14 जला 15 निल 16 रज्जु 17 दाणं 18 च // 1147 // सव्वं वियाणइत्ता जं किज्जइ तं अदत्तदाणं च / एया तेणपसूई णेया अट्ठार तइयवए // 1148 // खित्ते खले अरण्णे दिवा य राओ विसत्थयाए वा / . अत्थो से न विणस्सइ अचोरियाए फलं एयं // 1149 // 240
