________________ पडिरूवाई चउदस खंतिमाइयदसविहो धम्मो.। बारस य भावणाओ सूरिगुणा हुंति छत्तीसं (1) // 596 // पंचिंदियसंवरणो तह नवविहबंभचेरगुत्तिधरो / तह चत्तचउकसाओ अट्ठारसगुणेहिं संजुत्तो // 597 // पंचमहव्वयजुत्तो पंचविहायारपालणसमत्थो / पंचसमिइतिगुत्ति-गुत्तो छत्तीसगुणकलिओ (2) // 598 // विहिपडिवण्णचरित्तो गीयत्थो वच्छलो सुसीलो य / सेवियगुरुकुलवासो अणुयत्तिपरो गुरू भणिओ // 599 // देसकुलजाईरूवी संघयणी धिइजुओ अणासंसी / अविकंत्थणो अमाई थिरपरिवाडी गहियवक्को // 600 // जियपरिसो जियनिद्दो मज्झत्थो देसकालभावन्नू / आसण्णलद्धपइभो नाणाविहदेसभासण्णू ' // 601 / / पंचविहे आयारे जुत्तो सुत्तत्थ तदुभयविहिन्नू / / आहरणहेउउवणयणयणणिउणो गाहणाकुसलो . // 602 // ससमयपरसमयविऊ गंभीरो दित्तिमं सिवो सोमो / गुणसयकलिओ एसो पवयणउवएसओ सुगुरू // 603 // अट्ठविहा गणिसंपय आयाराई-चउव्विहिक्किक्का / / चउहा विणयपवित्ती छत्तीसगुणा इमे गुरुणो (3) // 604 // सम्मत्तनाणचरणा पत्तेयं अट्ठअट्ठभेइल्ला / बारस भेओ य तवो सूरिगुणा हुंति छत्तीसं (4) // 605 / / आयाराइ अट्ठओ तह चेव य दसविहो ठिइकप्पो / . बारस तव छावस्सय सूरिगुणा हुंति छत्तीसं (5) // 606 // अट्ठदसपावट्ठाणेहिं पडिचत्तो बारभिक्खुपडिमधरो। छव्वयरक्खणधीरो सूरिगुणा हुँति छत्तीसं (6) // 607 // 194
