________________ दव्वंतरनिम्मवियं निम्मल्लं पि हु विभूसणाईहिं। तं पुण जिणंगसंगि हविज्ज णण्णत्थ तं भयणा . // 165 // रिद्धिजुयसंमएहिं सड्डेहिं अहव अप्पणा चेव / जिणभत्तीइ निमित्तं जं चरियं सव्वमुवओगि // 166 // पवरेहिं साहणेहिं पायं भावो वि जायार पवरो / न य अन्नो उवओगो एएसिं सयाण लट्ठयरो // 167 // गंथिम 1 वेढिम 2 पूस्मि 3 संघाइम 4 पुप्फभेयओ चउहा / माला 1 मउडं 2 सेहर 3 पुष्फगेहाइ 4 रयणाओ // 168 / / न्हवणविलेवणआहरण-वत्थफलगंधधूवपुप्फेहिं / कीरइ जिणंगपूया तत्थ विही एस नायव्वो // 169 / / वत्थेण बंधिऊणं आसं अहवा जहां समाहीए / वज्जेयव्वं तु तया देहम्मि वि कंडुयणमाई // 170 // कायकंडूयणं वज्जे तहा खेलविगिचणं / मोणं वा कइ भणणं कुज्जा पूअंतो जगबंधुणो // 171 / / उचियपवित्ती एवं तहाकुणंतस्स होइ नावन्ना / . तह मूलबिंबपूया विसेसकरणे वि तं नत्थि // 172 // जिणभवणबिंबपूया कीरति जिणाण नो कए किंतु / सुहभावणानिमित्तं बुहाण अबुहाण बोहत्थं // 173 // चेइहरेण य केई पसंतरूवेण केइ बिंबेण / पूयाइसया अण्णे अण्णे बुझंति उवएसा // 174 // भिंगारलोमहत्थय-लूहणया धूवदहणमाइयं / पडिमाणं सकहाण य पूयाए इक्कयं भणियं // 175 // निव्वुयजिणिंदसकहा सग्गसमुग्गेसु तिसु वि लोएसु / . अन्नोन्नं संलग्गा न्हवणजलाइहिं संपुट्ठा || 176 // 158
