________________ // 40 // संपुण्णसिद्धमुद्दा पडिमा दव्वगसरीरजिणकप्पा / तियसेहिं कयघूया संपइ सा दव्वओ पूया // 36 // रूवाईयावत्था सभावउ दव्वभावपूयाभा / जा पिंडत्थपयत्था वत्थंतरभावणासम्म // 37 // सा नियनियभत्तिब्भर-निब्भरमाणसविणिम्मिया जाण / / जिणकल्लाणगभत्ति-सुविभत्तिकओवयारगुणा // 38 // तत्थ पइट्ठाभेओ न हवइ जम्हा दुक्खाइओ भावो / सिद्धाण सणायणओ परिणामिओ दव्वओ वि गुणो // 39 // जम्हा जिणाण पडिमा अप्पपरिणामदंसणनिमित्तं / आयंसमंडलाभा सुहासुहज्झाणदिट्ठीए सम्मत्तसुद्धकरणी जणणी सुहजोगसच्चपहवाणं / निद्दलणी दुरियाणं भववणदवदड्डभवियाणं . // 41 // दुविहा पूया दव्व-भावेहिं अंगअग्गभावेहिं / तिविहा विविहा सा य चउहाऽ णासायणासहिया // 42 // मणवयकायविसुद्धी पूया तिविह्य जिणेहि णिद्दिट्ठा / पंचविहा वा अट्ठोवयारसव्वोवयारा वा // 43 / / भणिया पंचुवयारा कुसुमक्खयगंधधूवदीवहिं। भत्तीबहुमाणवन्न-जणणामसायणविहीहिं // 44 // कुसुमक्खयगंधदीव-धूवनेविज्जजलफलेहि पुणो / अट्ठविहकम्ममहणी अट्टवयारा हवइ पूया // 45 // सत्तरसभेयभिण्णा न्हवणच्चणदेवदूसठवणं वा / तह वासचुण्णरोहण पुप्फारोहणसुमल्लाणं // 46 // पणवण्णकुसुमवुट्ठी वग्घारियमल्लदामपुप्फगिहं / कप्पूरपभिइगंध-च्चणमाहरणा विहियं जं // 47 // .147
