________________ धण्णोऽहं जेण मए अणोरपारम्मि नवरमेअम्मि / भवसयसहस्सदुलहं लद्धं सद्धम्मजाणं ति // 1596 // एअस्स पहावेणं पालिज्जंतस्स सइ पयत्तेणं / जम्मंतरे वि जीवा पावंति ण दुक्खदोगच्चं // 1597 // चिंतामणी अपुव्वो एअमपुव्वो य कप्परुक्खो त्ति / एअं परमो मंतो एअं परमामयं एत्थ // 1598 // इच्छं वेआवडिअं गुरुमाईणं महाणुभावाणं / / / जेसि पहावेणेअं पत्तं तह पालिअं चेव / // 1599 // तेसि णमो तेसि णमो भावेण पुणो पुणो वि तेसि णमो। . अणुवकयपरहिअरया जे एवं दिति जीवाणं // 1600 // नो इत्तो हिअमण्णं विज्जइ भुवणे वि भव्वजीवाणं / जाअइ अओ च्चिअ जओ उत्तरणं भवसमुद्दाओ // 1601 // एत्थ उ सव्वे थाणा तयण्णसंजोगदुक्खसयकलिया। रोद्दाणुबंधजुत्ता अच्चंतं सव्वहा पावा // 1602 // किं एत्तो कट्ठयरं ? पत्ताण कहिंचि मणुअजम्मम्मि। जं इत्थ वि होई रई अच्चंतं दुक्खफलयम्मि // 1603 // तह चेव सुहुमभावे भावइ संवेगकारए सम्म / पवयणगब्भब्भूए अकरणनिअमाइसुद्धफले // 1604 // परसावज्जच्चावणजोएणं तस्स जो सयं चाओ। संवेगसारगरुओ सो अकरणणियमवरहेऊ // 1605 // परिसुद्धमणुट्ठाणं पुव्वावरजोगसंगयं जं तं / हेमघडत्थाणीअं सया वि णिअमेण इट्ठफलं // 1606 // जं पुण अप्परिसुद्धं मिम्मयघडतुल्लमो तयं णे।' फलमित्तसाहगं चिअ ण साणुबंधं सुहफलम्मि // 1607 // 134
