________________ उवएसं पुण विअरइ धुवपव्वावं विआणिउं कंची। तं पि जहाऽऽसण्णेणं गुणओ ण दिसादविक्खाए // 1512 // मुंडावणा वि एवं विण्णेआ एत्थ चोअगो आह। पव्वज्जाणंतरमो णिअमा एस त्ति कीस पुढो? // 1513 // गुरुराहेह ण णिअमो पव्वइअस्स वि इमी' पडिसेहो। अजोग्गस्साइसई[पलिभग्गादो वि] होइ जओ अओ पुढो // 1514 // आवण्णस्स मणेण वि अइआरं निअमओ अ सुहुमं पि। पच्छित्तं चउगुरुगा सव्वजहण्णं तु णेअव्वं / // 1515 // जम्हा उत्तरकप्पो एसोऽभत्तट्ठमाइसरिसो उ। एगग्गयापहाणो तब्भंगे गुरुअरो दोसो // 1516 // कारणमालंबणमो तं पुण नाणाइअं सुपरिसुद्धं / . एअस्स तं न विज्जइ उचियं तव (प) साहणा पायं // 1517 / / सव्वत्थ निरवयक्खो आढत्तं चिअ दढं समाणितो। वट्टइ एस महप्पा किलिट्ठकम्मक्खयणिमित्तं // 1518 // णिप्पडिकम्मसरीरो अच्छिमलाई वि णावणेइ सया। पाणंतिए वि अ तहा वसणम्मि न वट्टई बीए // 1519 // अप्पबहुत्तालोअणविसयाईओ उ होइ एसो त्ति / . अहवा सुभभावाओ बहुअपेअं चिअ इमस्स // 1520 // तइआए पोरुसीए भिक्खाकालो विहारकालो अ। सेंसासु तु उस्सग्गो पायं अप्पा य णिद्द त्ति // 1521 / / जंघाबलम्मि खीणे अविहरमाणो वि णवर णावज्जे / तत्थेव अहाकप्पं कुणइ अ जोगं महाभागो // 1522 // एसेव गमो णिअमा सुद्धे परिहारिए अहालंदे / नाणत्तं उ जिणेहि पडिवज्जइ गच्छऽगच्छे वा // 1523 // 127
