________________ पाणगगहणं एवं ण सेसकालं पओअणाभावा / जाणइ सुआइसयओ सुद्धमसुद्धं च सो सव्वो . // 1452 // लेवालेवं ति इहं लेवाडेणं अलेवडं जं तु। अण्णेण असंमिस्सं दुगं पि इह होइ विण्णेअं // 1453 // अल्लेवं पयईए केवलगं पि हु न तस्सरूवं तु / अण्णे उ लेवकारी अलेवमिति सूरओ बिति // 1454 / / णायंबिलमेअं पि हु अइसोसपुरीसभेअदोसाओ। उस्सग्गिअंतु किं पुण पयईए अणुगुणं जं से // 1455 / / पडिम त्ति अ मासाई आईसद्दा अभिग्गहा सेसा। . णो खलु एस पवज्जइ जं तत्थ ठिओ विसेसेणं // 1456 // जिणकप्प त्ति अ दारं असेसदाराण विसयमो एस। . एअम्मि एस मेरा अववायविवज्जिआणिअमा // 1457 // मासं निवसइ खित्ते छव्वीहीओ अ कुणइ तत्थ वि अ। एगेगमडइ कम्माइवज्जणत्थं पइदिणं तु // 1458 // कह पुण होज्जा कम्मं एत्थ पसंगेण सेसयं किं पि।। वोच्छामि समासेणं सीसजणविबोहणट्ठाए // 1459 // आभिग्गहिए सद्धा भत्तोगाहिमग बीय तिअ पूई / चोअग निव्वयणं ति अ उक्कोसेणं च सत्त जणा // 1460 // जिणकप्पाभिग्गहिअं दटुं तवसोसिअं महासत्तं / संवेगागयसद्धा काई सड्डी भणिज्जाहि // 1461 // किं काहामि अहण्णा ? एसो साहू ण गिण्हए एअं। . णत्थि महं तारिसयं अण्णं जमलज्जिआ दाहं // 1462 / / सव्वपयत्तेण अहं कल्लं काऊण भोअणं विउलं। . दाहामि पयत्तेणं ताहे भणई अ सो भयवं . // 1463 // 122
