________________ सव्वत्थ निरभिसंगो आणामित्तम्मि सव्वहा जुत्तो। एगग्गमणो धणि तम्मि तहाऽमूढलक्खो अ. // 1188 // तह तिल्लपत्तिधारयणायगयो राहवेहगगओ वा। एअं चएइ काउं ण तु अण्णो खुद्दसत्तो त्ति // 1189 // एत्तो चिअ णिट्टिो पुव्वायरिएहिँ भावसाहु त्ति। हंदि पमाणठिअत्थो तं च पमाणं इमं होइ ' // 1190 // सत्थुत्तगुणी साहू ण सेस इह णो पइण्ण इह हेऊ। अगुणत्ता इति णेओ दिटुंतो पुण सुवण्णं च // 1191 // विसघाइरसायणमंगलत्थविणए पयाहिणावत्ते। गुरुए अडज्झऽकुत्थे अट्ठ सुवण्णे गुणा हुंति // 1192 // इअ मोहविसं घायइ सिवोवएसा रसायणं होइ। गुणओ अ मंगलत्थं कुणइ विणीओ अ जोग त्ति // 1193 // मग्गणुसारि पयाहिण गंभीरो गुरुअओ तहा होइ। कोहग्गिणा अडज्झो अकुत्थ सइ सीलभावेण // 1194 // एवं दिटुंतगुणा सज्झम्मि वि एत्थ होंति णायव्वा / ण हि साहम्माभावे पायं जं होइ दिद्रुतो // 1195 // चउकारणपरिसुद्धं कसछेअत्तावताडणाए / जं तं विसघाइरसायणाइगुणसंजुअं होइ // 1196 // इअरम्मि कसाईआ विसिट्ठलेसा तहेगसारत्तं / अवगारिणि अणुकंपा वसणे अइनिच्चलं चित्तं // 1197 // तं कसिणगुणोवेअं होइ सुवण्णं न सेसयं जुत्ती / ण वि णामरूवमित्तेण एवं अगुणो हवइ साहू // 1198 // जुत्तीसुवण्णयं पुण सुवण्णवण्णं तु जइ वि कीरित्ता (ज्जा)। ण हु होइ तं सुवण्णं सेसेहिं गुणेहिऽसंतेहिं // 1199 // 100
