________________ अक्कोसाण विसहणं जं सयमणुदीरणं करितस्स / उत्तरगुणचिंताए जायइ तं होइ सम्मं तु . // 900 // . विसहामि अहं सम्मं अक्कोसे चिंतिउं उदीरयतो। अहिगतरो लक्खिज्जइ मोहसहावो अहंकारो . // 901 // एद्दहमेत्तेण इमं अवेइ ता आवदीऍ कायव्वं / सो चेव किं न जायइ इय बुद्धिनिबंधणं णेसि // 902 // सत्थे पडिसिद्ध चिय कुणमाणं तह य पेच्छमाणस्स / .. तं चेव जायइ दढं वेरग्गनिबंधणं तस्स // 903 // इय अच्चंतमसिद्धो सपरुवगारो बुहेहिं नायव्यो / नियनिंदाहेऊ चिय दोसाय तओ मुसावातो // 904 // एगतेणेव इमं एवं एवं च एवमादी ति / . वत्थुस्स तहाऽभावा पीडाहेऊ य अलियं तु // 905 // जह जो सुहं करेई एगंतेणेव बंधइ सुहं सो / सपरोभयतब्भावेण, परिस्थिभोगेण वहिचारो .. // 906 // दुक्खकरो चिय एवं नेगंतेणेव बंधई असुहं / जह लोयादि करेंतो सपरोभयदुक्खहेऊ वि // 907 // न य सुहमसुहस्सेव उ निबंधणं जं जतीण पसमसुहं / निव्वाणसुहनिमित्तं भणियं तेलोक्कदंसीहि // 908 // दुक्खं पि न सोक्खस्सेव कारणं जमिह तेणयादीणं / चित्ता कदत्थणा खलु नारगदुक्खस्स हेउ त्ति // 909 // इय अस्थि चेव आया अहवा नत्थि त्ति दो वि एगंता / . एगंतेणं भावाऽभावपसंगाओं अलियं तु // 910 // एगंतेणऽत्थित्ते अन्नोऽन्नाभावविरहतो तस्स / पररूवेण वि भावो तेसि सरूवं व तदभावो // 911 // 71
