________________ मंतिस्स मारिपडणं कइया पक्खारउ त्ति तुसिणीया / सव्वे वि मंतिणिग्गम काले णेमित्तिगाहवणं // 331 // पइरिक्के पुच्छा कह सुयदोसा पच्चओ कुसुमिणो त्ति / पूजा वारण संवाय पुत्तमालोचण णिरोहो // 332 // मंजूसाए पक्खस्स भोयणं पाणगं च ताला य / / अत्थं साहर रण्णो भणणमणिच्छे तयाणयणं // 333 // देव इह सव्वसारं किमणेणं पक्खमेग रक्खावे। दारण्णतालसीसगमुद्दा अट्ठट्ठ पाहरिया // 334 // तेरसमम्मि य दियहे रण्णो धूयाए वेणिछेओ ति / मंतिसुया किल फुटुं भवणे रण्णो महाकोवो // 335 / / घाएह तयं अहवा सव्वे चिय डहह मत्तगा एए / किंकरगम गेण्हण भंडणा य पेच्छामु देव त्तिं // 336 // दिविम्मि एत्थ जोग्गं तत्तं जाणाहि मुद्दसंवाओ / उग्घाडणे णिरूवण छुरियावेणी य मंतिसुओ // 337 // सज्झस किमिदं देवो जाणइ तह विम्हओ उ सव्वेसिं / तप्पुच्छ पूयणा सव्वणास णो वेणिछेयाउ // 338 // एतो उ किल पयट्टो एत्थाहं जाव एवमेव त्ति / एवमचिंतं कम्मं विरियं पि य बुद्धिमंतस्स // 339 // अणिययसहावमेयं सोवक्कमकम्मुणो सरूवं तु / परिसुद्धाणाजोगो एत्थ खलु होइ सफलो ति // 340 // एत्तो उ दो वि तुल्य विण्णेया दिव्वपुरिसकार त्ति / इहरा उ णिप्फलत्तं पावइ णियमेण एक्कस्स // 341 // दारुयमाईणमिणं पडिमाइसु जोग्गयासमाणत्तं / पच्चक्खादिपसिद्ध विहावियव्वं बुहजणेणं // 342 // 145
