________________ जह कस्स वि सयराहं जायति पंचत्थिकायविण्णाणं / एवं केवलिणो वि हु असेसविसयं पि समए वि // 1332 // एवं चिय सव्वगतावभासमिच्चादि जुज्जति असेसं। . चंदादिपभाणाते उवमामेत्तं मुणेयव्वं // 1333 // जम्हा पहा वि दव्वं पोग्गलरूव क्ति चंदमादीणं / . ण य भिन्नाऽभिन्नाणं एवं जुत्ति समुव्वहति // 1334 // अन्ने सागारं खलु सव्वगतं पि हु कहंचि जंपंति / विसयादिजोगतो च्चिय सियवादसुदिट्ठपरमंत्था // 1335 // केई भणंति जुगंवं जाणति पासति य केवली णियमा / अण्णे एगंतरितं इच्छंति सुतोवदेसेणं // 1336 // अण्णे ण चेव वीसुं दसणमिच्छंति जिणवरिंदस्स / जं चिय केवलणाणं तं चिय से दंसणं बिंति // 1337 // जं केवलाइ सादीअपज्जवसिताई दो वि भणिताइं / तो बेंति केइ जुगवं जाणति पासति य सव्वण्णू .. // 1338 // इहराऽऽदीणिधणत्तं मिच्छावरणक्खओ ति व जिंणस्स / इतरेतरावरणता अहवा णिक्कारणावरणं // 1339 / / तह य असव्वण्णुत्तं असव्वदरिसित्तणप्पसंगो य / एगंतरोवयोगे जिणस्स दोसा बहुविहा य // 1340 // भण्णति भिन्नमुहत्तोवयोगकाले वि तो तिणाणस्स / मिच्छा छावट्ठीसागरोवमाइं खओवसमो // 1341 // अह णवि एवं तो सुण जहेव खीणंतराइओ अरहा। . संते वि अंतरायक्खयम्मि पंचप्पगारम्मि // 1342 // सततं ण देति लभति व भुंजति उवभुंजती व सव्वण्णू / कज्जम्मि देइ लभति व भुंजति व तहेव इहई पि // 1343 // 112
