________________ भगवई स. 10 उ. 1 683 तेउक्काइएणवि, एवं वाउक्काइएणवि, जाव वणस्सइकाइए णं भंते ! वणस्सइकाइयं चेव आणममाणे वा. ? पुच्छा, गोयमा ! सिय तिकिरिए सिय चउ. किरिए सिय पंचफिरिए // 361 // वाउक्काइए णं भंते ! रुक्खस्स मूलं पचालेमाणे वा पवाडेमाणे वा कइकिरिए ? गोयमा ! सिय तिकिरिए सिय चउकिरिए सिय पंचकिरिए / एवं कंदं एवं जाव मूलं, बीयं पचालेमाणे वा० पुच्छा? गोयमा ! सिय तिकिरिए सिय चउकिरिए सिय पंचकिरिए। सेवं भंते ! सेवं भंते ! ति // 362 // णवमं सयं समत्तं // दसमं सयं पढमो उद्देसो // गाहा-दिसि 1 संखुडअणगारे 2 आइड्ढी 3 सामहत्थि 4 देवि 5 सभा 6 / उत्तरअंतरदीवा 28 दसमंमि सयंमि चउत्तीसा // 34 // रायगिहे जाव एवं बयासी-किमियं भंते ! पाईणत्ति पञ्चइ ? गोयमा ! जीवा चेव अजीवा चेव / किमियं भंते ! पडीणत्ति पवुच्चइ ? गोयमा ! एवं चेब, एवं दाहिणा, एवं उदोगा, एवं उड़ा. एवं अहोवि / कह णं भंते ! दिसाओ पण्णसाओ ? गोयमा ! दस रिसाओ पण्णत्ताओ, तंजहा-पुरथिमा 1 पुरथिमदाहिणा 2 दाहिणा 3 दाहिणपच्चत्थिमा 4 पच्चत्थिमा 5 पच्चत्थिमुत्तरा 6 उत्तरा 7 उत्तरपुरस्थिमा 8 उड्डा 6 अहो 10 / एयासि णं भंते ! दसण्हं दिसाणं कइ णामधेज्जा पण्णत्ता ? गोयमा ! दस णामधेज्जा पण्णत्ता, तंजहा-इंदा 1 अग्गेई 2 जमा य 3 रई 4 वारणी य 5 वायव्वा 6, सोमा 7 ईसाणी य८ विमला यह तमा य.१० बोद्धव्वा / इंदा णं भंते ! दिसा कि जीवा जीवदेसा जीवपएसा अजीवा अजीवदेसा अजीवपएसा ? गोयमा ! जीवावि 3 तं चेव जाब अजीवपएसावि, ने नोवा ते णियमा एगिदिया बेइंदिया जाव पंचिदिया अणिदिया, जे जीवदेसा ते णियमा एगिदियदेसा जाव अणिदियदेसा, जे जीवपएसा ते णियमा एगिदियपएसा बेइंदियपएसा जाव अणिदियपएसा, जे अजीवा ते दुविहा पण्णत्ता, तंजहा-रूवी अजीवा य अरूवी अजीवा य, जे रूवी अजीवा ते चउव्विहा पण्णत्ता, तंजहा-खंधा 1 खंधदेसा 2 खंधपएसा 3 परमाणुपोग्गला 4, जे अरूवी अजीवा ते सत्तविहा पण्णता, तंजहा-णोधम्म
