________________ आवस्सयसुतं आ० 4 1279 सुभेण मे दिवसो वइक्कतो ? जत्ता भे ? जवणिज्जं च भे 1 खामेमि खमासमणो देव सियं वइक्कम, आवस्सियाए पडिकमामि खमासमणाणं देव सियाए आसायणाए तेत्तीसण्णयराए जं किंचि मिच्छाए मणदुक्कडाए वयदुक्क डाए कायदुक्कडाए कोहाए माणाए मायाए लोहाए सव्वकालियाए सव्वमिच्छोवयाराए सत्वधम्माइछ मणाए आसायणाए जो मे देवसिओ अइयारो कओ तस्स खमासमणो ! पडिकमामि जिंदामि गरिहामि अप्पाणं वोसिरामि // इइ तइयं वंदणावस्सयं समत्तं // . अह चउत्थं पडिक्कमणावस्सयं चत्तारि मंगलं-अरिहंता मंगलं, सिद्धा मंगलं,साहू मंगलं, केवलिपण्णत्तो धम्मो मंगलं। चत्तारि लोगुत्तमा-अरिहंता लोगुत्तमा, सिद्धा लोगुत्तमा,साहू लोगुत्तमा,केवलिपण्णत्तो धम्मो लोगुत्तमो। चत्तारिसरणं पवजामि-अरिहंता सरणं पवजामि,सिद्धा सरणं पवजामि, साहू सरणं पवजामि, केवलिपण्णत्तं धम्म सरणे पवजामि // 1 // इच्छामि पडिक्कमिउं इरियावहियाए विराहणाए गमणागमणे पाणक्कमणे बीयकमणे हरियकमणे ओसाउत्तिंगपणगदगमट्टीमक्कडासंताणासंकमणे जे मे जीवा विराहिया एगिंदिया बेइंदिया तेइंदिया चउरिदिया पंचिंदिया अभिहया वत्तिया लेसिया संघा. इया संघट्टिया परियाविया वि लामिया उद्दविया टोणाओ टाणं संकालिया वियाओ ववरोविया तस्स मिच्छामि दुकडं // 2 // इच्छामि पडिकमिउं पगामसिजाए णिगामसिजाए संथारा उचट्टणाए परियट्टणाए आउंटणाए पसारणाए छप्पइ संघट्टणाए कुइए कक्कराइए छीए जमाइए आमोसे ससरक्खामोसे आउलमाउलाए सोवणवत्तियाए इत्थी विपरियासियाए दिट्ठीविप्परियासियाए मणविप्परियासियाए पाणभोयणविपरियासियाए जो मे देव सिओ अइयारो कओ तम्स मिच्छामि दुक्कडं // 3 // पंडिकमामि गोयरचरियाए भिक्खायरियाए उग्धाडकवाड उग्घाडगाए साणावच्छादारासंघट्टणाए मंडीपाहुडियाए बलिपाहुडियाए ठवणापाहुडियाए संकिए सहसागारिए अणेसगाए पाणेसणाए पाणभोयणाए बीयभोयणाए हरियभोयणाए पच्छाकग्मियाए * 1 'राइओ' 'पक्खिओ' 'चाउम्मासिओ' 'संवच्छरिओ' / 2 'तिक्खुत्तो० इच्चणेण वंदणं किच्चा पच्छापंचणमोकारं तओ 'करेमि भंते ! तओ 'चत्तारि मंगलं'। 3 'चत्तारि' मंगलं०' पच्छा 'इच्छामि०' पढियव्वं ति केइ।
