SearchBrowseAboutContactDonate
Page Preview
Page 45
Loading...
Download File
Download File
Page Text
________________ अनंगपविट्ठसुत्ताणि णिवइए, तए णं से मागहतित्थाहिवई देवे भवणंसि सरं णिवइयं पासइ 2 त्ता आसुरुत्ते रुटे चंडिक्किए कुविए मिसिमिसेमाणे तिवलियं भिउडि णिडाले साहरइ 2 त्ता एवं वयासी-केसणं भो ! एस अपत्थियपत्थए दुरंतपंतलक्खणे हीणपुण्णचाउ; . इसे हिरिसिरिपरिवज्जिए जेणं मम इमाए एयाणुरूवाए दिव्वाए देविड्डीए दिव्वाए देवजुईए दिव्वेणं देवाणुभावेणं लद्धाए पत्ताए अभिसमण्णागयाए उप्पिं अप्पुस्सुए भवणंसि सरं णिसिरइत्तिकटु सीहासणाओ अब्भुढेइ 2 त्ता जेणेव से णामाहयंके सरे तेणेव उवागच्छइ 2 त्ता तं णामाहयंकं सरं गेण्हइ णामकं अणुप्पवाएइ णामकं अणुप्पवाएमाणस्स इमे एयारूवे अब्भत्थिए चिंतिए पत्थिए मणोगए संकप्पे समुप्पज्जित्था-उप्पण्णे खलु भो ! जंबुद्दीवे दीवे भरहे वासे भरहे णामं राया चाउरंतचक्कवट्टी तं जीयमेयं तीयपच्चुप्पण्णमणागयाणं मागहतित्थकुमाराणं देवाणं राईण. मुवत्थाणियं करेत्तए, तं गच्छामि णं अहंपि भरहस्स रण्णो उवत्थाणियं करेमि त्तिकटु एवं संपेहेइ संपेहेत्ता हारं मउडं कुंडलाणि य कडगाणि य तुडियाणि य वत्थाणि य आभरणाणि य सरं च णामाहयंक मागहतित्थोदगं च गेण्हइ गिण्हित्ता ताए उक्किट्ठाए तुरियाए चवलाए चंडाए जयणाए सीहाए सिग्याए उद्धृयाए दिव्वाए देवगईए वीईवयमाणे 2 जेणेव भरहे राया तेंणेव उवागच्छइ 2 त्ता अंत. लिक्खपडिवण्णे सखिंखिणियाई पंचवण्णाई वत्थाई पवरपरिहिए करयलपरिग्गहियं दसणहं सिर जाव अंजलि कटु भरहं रायं जएणं विजएणं वद्धावेइ 2 त्ता एवं वयासी-अभिजिए णं देवाणुप्पिएहिं केवलकप्पे भरहे वासे पुरथिमेणं मागहतित्थमेराए तं अहण्णं देवाणुप्पियाण विसयवासी अहण्णं देवाणुप्पियाणं आणत्तीकिंकरे अहण्णं देवाणुप्पियाणं पुरथिमिल्ले अंतवाले तं पडिच्छंतु णं देवाणुप्पिया! ममं इमेयारूवं पीइदाणं तिकट्ट हारं मउडं कुंडलाणि य कडगाणि य जाव मागहतित्थो. दगं च उवणेइ, तए णं से भरहे राया मागहूतित्थकुमारस्स देवस्स इमेयारूवं पीइदाणं पडिच्छइ 2 त्ता मागहतित्थकुमारं देवं सक्कारेइ सम्माणेइ स० 2 त्ता पडि. विसज्जेइ, तए णं से भरहे राया रहं परावत्तेइ 2 त्ता मागहतित्थेणं लवणसमुद्दाओ पच्चुत्तरइ 2 त्ता जेणेव विजयखंधावारणिवेसे जेणेव बाहिरिया उवट्ठाणसाला तेणेव उवागच्छइ 2 त्ता तुरए णिगिण्हइ 2 त्ता रहं ठवेइ 2 त्ता रहाओ पच्चोरुहइ 2. त्ता जेणेव मजणघरे तेणेव उवागच्छइ 2 त्ता मजणघरं अणुपविसइ 2 त्ता जाव ससिव्व पियदंसणे णरवई मजणघराओ पडिणिक्खमइ 2 त्ता जेणेव भोयणमंडवे
SR No.004389
Book TitleAnangpavittha Suttani Bio Suyakhandho
Original Sutra AuthorN/A
AuthorRatanlal Doshi, Parasmal Chandaliya
PublisherAkhil Bharatiya Sadhumargi Jain Sanskruti Rakshak Sangh
Publication Year1984
Total Pages746
LanguageSanskrit
ClassificationBook_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size13 MB
Copyright © Jain Education International. All rights reserved. | Privacy Policy