________________ दसासुयक्खंधो द. 10 1035 वहुजणस्स णेयारं, दीवं ताणं च पाणिणं / एयारिसं परं हता, महामोहं पकुव्वइ // 21 // उट्टियं पडिविरयं, संजयं सुतवस्सियं / विउक्कम्म धम्माओ भंसेइ, महामोहं पकुव्वइ // 22 // तहेवाणतणाणीणं जिणाणं वरदं सिणं / तेसिं अवण्णवं बाले, महामोहं पकुव्वइ / / 23 // णेया(इ)उयस्स मग्गस्स, दुढे अवयरई बहं, तं तिप्पयंती भावेइ, महामोहं पकुव्वद // 24 // आयरियउवज्झाए हिं, सुयं विणयं च गाहिए / ते चेव खिंसद बाले, महामोहं पकुव्वइ / / 25 // आयरियउवज्झायाणं, सम्मं णो पडितप्पइ / अप्पडिपूयए थद्धे, महामोहं पकुव्वइ // 26|| अबहुस्सुए य जे केइ, सुएण पविकथिइ / सज्झायवायं वयइ, महामोहं पकुव्वइ // 27 // अतवस्सी[ए] य जे केइ, तबण पविकत्थइ / सव्वलोएपरे तेणे, महामोहं पकुव्वइ / / 28|| साहारणट्टा जे केइ, गिलाणम्मि उवट्ठिए / पभू ण कुणइ किच्चं, मझंपि से ण कुव्वइ // 29 // सढे णियडीपण्णाणे, कलुसाउलचेयसे | अप्पणो य अबोहीए, महामोहं पकुत्वह // 30 // जे कहाहिगरणाई, संपउंजे पुणो पुणो / सव्वतिन्थाण भेयाणं, महामोहं पकुव्वइ // 31 // जे य. आम्मिए जोए, संपउंजे पुणो पुणो / सहाहेउं सहीहेडं, महामोहं पकुवइ // 32 // जे य माणुस्सए भोए, अदुवा पारलोइए / ते तिप्पयंतो आसयइ, महामोहं पकुव्वइ / / 33 // इड्दी जुई जसो वण्णो, देवाणं बल. बीरियं / तेसिं अवण्णवं बाले, महामोहं पकुव्वइ // 34 // अपस्समाणो पस्सामि देवजवखे य गुज्झगे | अण्णाणी जिणपूयट्टी महामोहं पकुवाइ // 35 // एए मोहगुणा वृत्ता, कम्मंता चित्तवद्धणा / जे उ भिक्खू विवज्जेजा, चरिजत्तगवेसए // 36 // जंपि जाणे इओ पुव्वं, किच्चाकिच्चं बहुजदं / तं वंता ताणि सेविजा, जेहिं आयारखं सिया // 37|| आयारगुत्तो सुद्धप्पा, धम्मे ठिच्चा अणुत्तरे। तओ वमे सए टोसे. विसमासीविसो जहा // 38 // सुचत्तदोसे सुद्धप्पा, धम्मट्ठी विदितापरे / इहेव लभए कित्ति, पेचा य सुगई वरं // 39 // एवं अभिसमागम्म, सूरा दढपरव मा। सव्यमोहविणिम्मुक्का, जाइमरणमइच्छिया // 40 // त्ति-बेमि // मोहणिज्जठाणणामं णवमा दसा समत्ता // 9 // दसमा दसा तेणं कालेणं तेणं समएणं रायगिहे णाम णयरे होत्था,वण्णओ। गुणसिलए चेइए, रायगिहे णयरे सेणिए राया होत्था, रायवण्णओ एवं जहा उववाइए जाब चेल
