________________ __ दयासुयक्खंधो द. 5 1023 धम्मो कहिओ, परिसा पडिगया // 1 // अज्जो ! (इ)ति समणे भगवं महावीरे समणा णिग्गंथा णिगंथीओ य आमंतित्ता एवं वयासी-"इह खलु अज्जो ! णिग्गंथाण वा णिग्गंथीण वा इरियासमियाणं भासासमियाणं एसणासमियाणं आयाणभंडमत्तणिक्खेवणासमियाणं उच्चारपासवणखेलजल्लसिंघाणपारिटावणियासमियाणं मणसमियाणं वयसमियाणं कायसमियाणं मणगुत्तीणं वयगुत्तीणं कायगुत्तीणं गुत्तिदियाणं गुत्तभयारणं आयट्ठीणं आयहियाणं आयजोईणं आयपरकमाणं पक्खियपीसहि एसु सुसमाहि पत्ताणं झियायमाणाणं इमाइं दस चित्तसमाहिठाणाई असमुप्पण्णपुवाई समुप्पज्जेज्जा / तंजहा-धम्मचिंता वा से असमुप्पण्णपुव्वा समुप्पज्जेजा सव्वं धम्मं जाणित्तए // 2 // सुमिणदंसणे वा से असमुप्पण्णपुव्वे समुप्पज्जेजा अहातच्चं सुमिणं पासित्तए // 3 // सण्णिजाइसरणेणं सणिणा(ण)णं वा से असमुप्पण्णपुटवे समुपज्जेजा(पुटवभवे)अप्पणो पोराणियं जाइं सुमरित्तए // 4 // देवदंसणे वा से असमुप्पण्णपुव्वे समुप्पज्जेजा दिव्वं देविहि दिव्वं देवजुइं दिव्वं देवाणुभावं पासित्तए // 5 // ओहिणाणे वा से असमुप्पण्णपुटवे समुप्पज्जेज्जा ओहिणा लोयं जाणित्तए // 6 // ओहिदंसणे वा से असमुप्पण्णपुग्वे समुप्पज्नेजा ओहिणा लोयं पासित्तए // 7 // मणपजवणाणे वा से असमुप्पण्णपुव्वे समुप्पज्जेजा अंतो मणुस्सक्खित्तेसु अड्डाइज्जेसु दीवसमुद्देसु सण्णीणं पचिंदियाणं पजत्तगाणं मणोगए भावे जाणित्तए // 8 // केवलणाणे वा से असमुप्पण्णपुव्वे समुप्पज्जेजा केबलकप्पं लो(ग)यालोयं जाणित्तए / / 9 / / केवलदंसणे बा से असमुप्पण्णपुव्वे समुप्पज्जेजा केवलकप्पं लोयालोयं पासित्तए // 10 // केवलमरणे वा से असमुप्पण्णपुव्वे समुप्पज्जेजा सब्बदुक्खपही[हाणाए // 11 // ओयं चित्तं समादाय, झाणं समुप्पजइ / धम्मे ठिओ अविमणो, णिव्वाणमभिगच्छइ // 12 // ण इमं चित्तं समादाय, भुज्जो लोयंसि जायइ / अप्पणो उत्तमं ठाणं, सणिणाणेण जाणइ // 13 // अहातच्चं तु सुमिणं, खिप्पं पासेइ संवुडे / सव्वं वा ओहं तरइ, दुक्खदोय विमुच्चइ // 14 // पंताई भयमाणस्स, विवित्तं सयणासणं / अप्पाहाररस दंतस्स, देवा दंसेति ताइणो // 15 // सव्वकामविरत्तस्स, खमणो भयभेरवं / तओ से ओही भवइ, संजयस्स तवस्सिणो // 16 // तवसा अवहट्टलेस्सस्स, दंसणं परिसुज्झइ / उट्टे अहे तिरियं च, सव्वं समणुपस्सइ / / 17 / / सुसमाहियलेस्सस्स, अवितकस्स भिक्खुणो / सव्वओ विप्पमुक्कस्स, आबा जाणाइ पनवे // 18 // जया से णाणावरणं, सव्वं होह खयं
