________________ 924 अनंगपविट्ठसुताणि से अप्पबिइयाएं वा अप्पतइयाए वा अप्पचउत्थीए वा राओ वा वियाले वा बहिया वियारभूमिं वा विहारभूमि वा णिक्खमित्तए वा पविसित्तए वा // 48 // कप्पइ णिग्गंथाण वा णिग्गंथीण वा पुरत्थिमेणं जाव अंगमगहाओ एत्तए, दकिखणेणं नाव कोसम्बीओ एत्तए,पञ्चत्थिमेणं जाव थूणाविसयाओ एत्तए, उत्तरेणं जाव कुणालाविसयाओ एत्तए; एतावताव कप्पइ, एतावताव आरिए खेत्ते; णो से कप्पइ एत्तो बाहिं, तेण परं जत्थ गाणदंसणचरित्ताई उस्सप्पंति॥४९॥ त्ति बेमि ॥बिहक्कप्पे पढमो उद्देसओ समत्तो // 1 // बिइओ उद्देसओ उवस्सयस्स अंतो वगडाए सालीणि वा वीहीणि वा मुग्गाणि वा मासाणि वा तिलगणि वा कुलत्थाणि वा गोहूमाणि वा जबाणि वा जवजवाणि वा उक्खित्ताणि वा विक्खिात्ताणि वा विइगिण्णाणि वा विप्पइण्णाणि वा, णो कप्पइ णिग्गंथाण वा णिग्गंथीण वा अहालंदमवि वत्थए // 1 // अह पुण एवं जाणेजा-णो उक्खित्ताई णो विक्खित्ताइं णो विइगिण्णाई णो विप्पइण्णाई, रासिकडाणि घा पुंजकडाणि वा मित्तिकडाणि वा कुलियकडाणि वा लंछियाणि वा मुद्दियाणि वा पिहियाणि वा कप्पइ णिग्गंथाण वा णिग्गंथीण वा हेमंतगिम्हासु वत्थए // 2 // भह पुण एवं जाणेजा-णो रासिकडाई णो पुंजकडाइं णो भित्तिकडाई णो कुलिय. कडाई, कोहाउत्ताणि वा पल्लाउत्ताणि वा मंचाउत्ताणि वा मालाउत्ताणि वा ओलित्ताणि वा विलित्ताणि वा पिहियाणि वा लंछियाणि वा मुद्दियाणि वा कप्पर णिग्गंथाग वा णिग्गंथीण वा वासावासं वत्थए // 3 // उवस्सयस्स अंतो वगडाए सुरावियडकुम्भे वा सोवीरयवियडकुम्भे वा उवणिक्खित्ते सिया, णो कप्पइ णिग्गंथाण वा णिग्गंथीण वा अहालंदमवि वत्थए, हुरत्था य उवस्सयं पडिलेहमाणे णो लमेजा, एवं से कप्पइ एगरायं वा दुरायं वा वत्थए, णो से कप्पइ परं एगरायाओ वा दुरायाओ वा वत्थए, जे तत्थ एगरायाओ वा दुरायाओ वा परं वसइ, से संतरा छेए वा परिहारे वा // 4 // उवस्सयस्स अंतो वगडाए सीओदगवियडकुम्भे वा उसिणोदगवियडकुम्भे वा उवणिक्खित्ते सिया, णो कप्पड णिग्गंथाण वा णिग्गंथीण वा अहालंदमवि वत्थए, हुरत्था य उवस्सयं पडिलेहमाणे णो लभेजा, एवं से कप्पइ एगरायं वा दुरायं वा बत्थए, णो से कप्पइ परं
