SearchBrowseAboutContactDonate
Page Preview
Page 257
Loading...
Download File
Download File
Page Text
________________ 848 . अनंगपविट्ठसुत्साणि तं दारगं करयलपुडेणं गिण्हइ 2 त्ता तं अग्गंगुलियं आसयंसि पक्खिवइ 2 त्ता पूयं च सोणियं च आसएणं आमुसइ / तए णं से दारए णिव्वुए णिक्वेयणे तुसिणीए संचिट्ठइ / जाहे वि य णं से दारए वेयणाए अभिभूए समाणे महया महया सद्देणं आरसइ ताहे वि य णं सेणिए राया जेणेव से दारए तेणेव उवागच्छइ 2 त्ता तं दारगं करयलपुडेणं गिण्हइ तं चेव जाव णिव्वेयणे तुसिणीए संचिट्ठइ // 32 // तए णं तस्स दारगस्स अम्मापियरो तइए दिवसे चंदसूरदरिसणियं करेंति जाव संपते वारसांहे दिवसे अयमेयारूवं गुणणिप्फणं णामधेज्जं करेंति-जम्हा णं अम्हं इमस्स दारगस्स एगते उक्कुरुडियाए उज्झिजमाणस्स अंगुलिया कुक्कुडपिच्छएणं दूमिया तं होउणं अम्हं इमस्स दारगस्स णामधेज्जं कूणिए 2 / तए णं तस्स दारगस्स अम्मापियरो णामधेज्जं करेंति 'कूणिय' त्ति / तए णं तस्स कुणियस्स आणुपुवेणं ठिइवडियं च जहा मेहस्स जाव उप्पिं पासायवरगए विहरइ, अट्ठओ दाओ // 33 // तए णं तस्स कूणियस्स कुमारस्स अण्णया० पुन्वरत्ता. जाव समुप्पज्जित्थाएवं खलु अहं सेणियस्स रण्णो वाघाएणं णो संचाएमि सयमेव रजसिरिं करेमाणे पाले नाणे विहरित्तए,तं सेयं खलु मम सेणियं रायं णियलबंधणं करेत्ता अप्पाणं महया महया रायाभिसेएणं अभिसिंचावित्तएत्तिकटु एवं संपेहेइ रत्ता सेणियस्स रण्णो अंतराणि य छिड्डाणि य विरहाणि य पडिजागरमाणे 2 विहरइ // 34 // तए णं से कूणिए कुमारे सेणियस्स रण्णो अंतरं वा जाव मम्मं वा अलभमाणे अप्णया कयाइ कालाईए दस कुमारे णियघरे सद्दावेई 2 त्ता एवं वयासी-एवं खलु देवाणुप्पिया ! अम्हे सेणियस्स रण्णो वाघाएणं णो संचाएमो सयमेव रजसिरिं करेमाणा पालेमाणा विहरित्तए, तं सेयं खलु देवाणुप्पिया ! अम्हं सेणियं रायं णियलबंधणं करेत्ता रज्जं च रटुं च बलं च वाहणं च कोसं च कोडागारं च जणवयं च एक्कारसभाए विरिचित्ता सयमेव रजसिरिं करेमाणाणं पालेमाणाणं जाव विहरित्तए // 35 // तए णं ते कालाईया दस कुमारा कूणियस्स कुमारस्स एयमढे विणएणं पडिसुगंति / तए णं से कूणिए कुमारे अण्णया कयाइ सेणियस्स रण्णो अंतरं जाणइ 2 त्ता सेणियं रायं णियलबंधणं करेइ 2 त्ता अप्पाणं महया महया रायाभिसेएणं अभिसिंचाइ / तए णं से कूणिए कुमारे राया जाए महया०॥३६॥तए णं से कृणिए राया अण्णया कयाइ हाए जाव सव्वालंकारविभूसिए चेलणाए देवीए पायवंदए हन्वमागच्छद / तए णं से कूणिए राया चेल्लणं देविं ओहय०जाव झियायमाणि पासइ 2 त्ता चेल्लणाए
SR No.004389
Book TitleAnangpavittha Suttani Bio Suyakhandho
Original Sutra AuthorN/A
AuthorRatanlal Doshi, Parasmal Chandaliya
PublisherAkhil Bharatiya Sadhumargi Jain Sanskruti Rakshak Sangh
Publication Year1984
Total Pages746
LanguageSanskrit
ClassificationBook_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size13 MB
Copyright © Jain Education International. All rights reserved. | Privacy Policy