________________ 836 अनंगपविट्ठसुत्ताणि भारियाए सद्धिं सिंगारागारचारुवेसाए संगयगयहसियभणियचिट्टियसलावविलासणिउणजुत्तोवयारकुसलाए अणुरत्ताविरत्ताए मणाणुक्लाए एगंतरइपसत्ते अण्णत्थ कच्छइ मणं अकुव्वमाणे इढे सद्दफरिसरसरूवगंधे पंचविहे माणुस्सए कामभोगे पच्चणुभवमाणे विहरिजा, ता से णं पुरिसे विउसमणकालसमयंसि केरिसयं सायासोक्खं पञ्चणुभवमाणे विहरइ ? उरालं समणाउसो !, ता तस्स णं पुरिसस्स कामभोगेहिंतो एत्तो अणंतगुणविसिट्टतरा चेव वाणमंतराणं देवाणं कामभोगा, वाणमंतराणं देवाणं कामभोगाहिंतो अणंतगुणविसिट्टतरा चेव असुरिंदवज्जियाणं भवणवासीणं देवाणं कामभोगा असुरिंदबज्जियाणं० देवाणं कामभोगेहितो अणंतगुणविसिट्टतरा चेव असुरकुमाराणं इंदभूयाणं देवाणं कामभोगा, असुरकुमाराणं० देवाणं कामभोगेहिंतो० गहगणणक्खत्ततारारूवाणं कामभोगा, गहगणणक्खत्ततारारूवाणं कामभोगेहितो अणतगुणविसिट्टतरा चेव चंदिमसूरियाणं देवाणं कामभोगा, ता एरिसए णं चंदिमसूरिया जोइसिंदा जोइसरायाणो कामभोगे पचणुभवमाणा विहरंति // 105 // तत्थ खलु इमे अट्ठासीई महग्गहा पण्णत्ता, तं०-इंगालए वियालए लोहियंके सणिच्छरे आहुणिए पाहुणिए कणे कणए कणकणए कणवियाणए 10 कणगसंताणे सोमे सहिए आसासणे कज्जोवए कव्वरए अयकरए दुंदुभए संखे संखणाभे 20 संखवण्णाभे कसे कंसणाभे कंसवण्णाभे णीले णीलोभासे रुप्पे रुप्पोभासे भासे भासरासी 30 तिले तिलपुष्पवण्णे दगे दगवण्णे काए बंधे इंदग्गी धूमकेऊ हरी पिंगलए 40 बुहे सुक्के बहस्सई राहू अगत्थी माणवए कामफासे धुरे पमुहे वियडे 50 विसंधी कप्पेल्लए पइल्ले जडियालए अरुणे अग्गिल्लए काले महाकाले सोत्थिए सोवत्थिए 60 वद्धमाणगे पलंबे णिच्चालोए णिच्चुज्जोए सयंपभे ओभासे सेयंकरे खेमंकरे आभंकरे पभंकरे 70 अरए विरए असोगे विसोगे विमले विवत्ते विवत्थे घिसाले साले सुब्बए 80 अणियट्टी अणाविए एगजडी दुजडी करकरिए रायग्गले पुष्फकेऊ भावकेऊ 88 // 106 // वीसइमं पाहुडं समत्तं // 20 // ___ इइ एस पाहुडत्था अभव्वजणहिययदुल्लहा इणमो / उक्कित्तिया भगवया जोइसरायस्स पण्णत्ती // 1 // एस गहियावि संता थद्धे गारवियमाणिपडिणीए / अबहुस्सुए ण देया तव्विवरीए भवे देया // 2 // सद्धाधिइउट्ठाणुच्छाहकम्मबलवीरियपुरिसकारेहिं / जो सिक्खिओवि संतो अभायणे परिकहेजाहि // 3 // सो पवयणकुलगणसंघगहिरो णाणविणयपरिहीणो ) अरहंतथेरगणहरमेरं किर होइ वोलीणो // 4 //
