________________ - चंदपण्णत्ती पा. 10 पा. 16 767 ता कहं ते तिही आहितेति वएजा ? तत्थ खलु इमा दुविहा तिही पण्णत्ता, तंजहा-दिवसतिही य, राईतिही य, ता कहं ते दिवसतिही आहितेति वएजा ? ता एगमेगस्स णं पक्खस्स पण्णरस 2 दिवसतिही पण्णत्ता, तं०-णंदे भद्दे जए तुच्छे पुण्णे पक्खस्स पंचमी पुणरवि णंदे भद्दे जए तुच्छे पुण्णे पक्खस्स दसमी पुणरवि गंदे भद्दे जए तुच्छे पुण्णे पक्खस्स पण्णरसी, एवं ते तिगुणा तिहीओ सव्वेसि दिवसाणं, ता कहं ते राईतिही आहितेति वएजा ? ता एगमेगस्स णं पक्खस्स पण्णरस राईतिही प., तं०-उग्गवई भोगवई जसवई सव्वसिद्धा सुहणामा पुणरवि उग्गवई भोगवई जसवई सव्वसिद्धा सुहणामा पुणरवि उग्गवई भोगवई जसवई सव्व सिद्धा सुहणामा, एए तिगुणा तिहीओ सव्वासिं राईणं // 47 // दसमस्स पाहडस्स पण्णरसमं पाहडपाहडं समत्तं / / 10.15 // ता कहं ते गोत्ता आहिताति वएजा ? ता एएसि णं अट्ठावीसाए णवखत्ताणं अमिईणक्खत्ते किंगोत्ते प० 1 ता मोग्गल्लायणसगोत्ते पण्णत्ते, सवणे० संखायण०, धणिट्ठा० अग्गितावस०, 'सयभिसया० कण्णिलायणसगोत्ते, पुव्वापोहवया० जोउकण्णियसगोत्ते,उत्तरापोट्टवया० धणंजयसगोत्ते, रेवईणवत्ते पुस्सायणसगोत्ते, अस्सिणीणक्खत्ते अस्सायणसगोत्ते,भरणीणक्खत्ते भग्गवेससगोत्ते, कत्तियाणक्खत्ते अग्गिवेससगोत्ते, रोहिणीणक्खत्ते गोयम०, संठाणाणक्खत्ते भारद्दायसगोत्ते, अद्दाणखत्ते लोहिच्चायणसगोत्ते, पुणवसूणक्खत्ते वासिट्ठसगोत्ते, पुस्से उमजायणसगोत्ते, अस्सेसाणक्खत्ते मंडव्वायणसगोत्ते, महाणक्खत्ते पिंगायणसगोत्ते, पुवाफग्गुणीणवखत्ते गोवल्लायणसगोत्ते, उत्तराफग्गुणीणखत्ते कासव०, हत्थे• कोसिय०, चित्ताणखत्ते दमियाणस्सगोत्ते, साईणक्खत्ते चामरच्छायणसगोत्ते, विसाहाणक्खत्ते सुगायणसगोत्ते अणुराहाणक्खत्ते गोलब्वायणसगोत्ते,जेट्ठाणक्खत्ते तिगिच्छायणसगोत्ते, मूले णक्खत्ते कच्चायणसगोत्ते, पुब्बासादाणक्खत्ते वज्झियायणसगोत्ते, उत्तरासाढाणक्खत्ते वग्धावच्चसगोत्ते // 48 // दसमस्स पाहुडस्स सोलसमं पाहुडपाहुडं समत्तं / / 10-16 // . ता कहं ते भोयणा आहिताति वएजा ? ता एएसि णं अट्ठावीसाए णखत्ताणं कत्तियाहि दहिणा भोच्चा कज्जं साधेति, रोहिणीहिं मुग्गं भोच्चा कज्जं साधेति, संठाणाहिं कत्थूरि भोच्चा कज्जं साधेति, अद्दाहिँ गवणीएण भोचा कज्जं साधेति, पुणव्वसुणा घएण भोच्चा कज्जं साधेति, पुस्सेणं खीरेण भोच्चा कज्जं साधेति, अस्सेसाए
