________________ 774 अनंगपविट्ठसुत्ताणि एएणं णएणं णेयव्वं णो चेव णं इयरेहि। ता कहं ते तावक्खेत्तसंठिई आहिताति वएजा ? तत्थखलु इमाओ सोलस पडिवत्तीओ पण्णत्ताओ,तं०-तत्थ णंएगे एवमाहंसु-तागेहसंठिया णं तावक्खेत्तसंठिई पण्णत्ता एवं जाव वालग्गपोइयासंठिया णं तावक्खेत्तसंठिई०,एगे पुण एवमाहंसु-ता जस्संठिए णं जंबुद्दीवेश्तस्संठियाणं तावक्खेत्तसंठिई पण्णत्ता एगे एवमाहंसु ९,एगे पुण एवमाहंसु-ता जस्संठिए णं भारहे वासे तस्संठिया० पण्णत्ता० 10, एवं उजाणसंठिया णिजाणसंठिया एगओ णिसहसंठिया दुहओ णिसहसंठिया सेयणगसंठिया० एगे एवमाहंसु 15, एगे पुण एवमाहंसु-ता सेणगपट्ठसंठिया णं तावक्खेत्तसंठिई पण्णत्ता एगे एवमाहंसु 16, वयं पुण एवं वयामो-ता उड्ढीमुहकलंबुयापुप्फसंठिया णं तावक्खेत्तसंठिई पण्णत्ता, अंतो संकुडा बाहिं वित्थडा अंतो वट्टा बाहिं पिहला अंतो अंकमुहसंठिया बाहिं सत्थिमुहसंठिया, उभओ पासेणं तीसे दुवे बाहाओ अवट्ठियाओ भवति पणयालीसं 2 जोयणसहस्साई आयामेणं, तीसे दुवे बाहाओ अणवट्ठियाओ भवंति, तंजहा-सब्वभंतरिया चेव बाहा सव्वबाहिरिया चेव बाहा, तत्थ को हेऊ०ति वएजा ? ता अयण्णं नम्बुद्दीवे 2 जाव परिक्खेवेणं०, ता जया णं सूरिए सव्वभंतरं मंडलं उक्संकमित्ता चारं चरइ तया णं उड्डीमुहकलंबुयापुप्फसंठिया णं तावक्खेत्तसंठिई आहिताति वएजा, अंतो संकुडा बाहिं वित्थडा अंतो वट्टा बाहिं पिहला अंतो अंकमुहसंठिया बाहिं सस्थिमुहसंठिया, दुहओ पासेणं तीसे तहेव जाव सव्वबाहिरिया चेव बाहा, तीसे णं मम्वन्भतरिया बाहा मंदरपव्वयंतेणं णव जोयणसहस्साई चत्तारि य उलसीए जोयणसए णव य दसभागे जोयणस्स परिक्खेवेणं आहिताति वएजा, तासे णं परिक्खेवविसेसे कओ आहिएति वएजा ? ता जेणं मंदरस्स पव्वयस्स परिक्खेवे तं परिक्खेवं तिहिं गुणित्ता दसहि छेत्ता दसहिं भागे हीरमाणे एस णं परिक्खेवविसेसे आहिएति वएजा, तीसे णं सव्वबाहिरिया बाहा लघणसमुदंतेणं चउणउई जोयणसहस्साइं अट्ठ य अट्ठसढे जोयणसए चत्तारि य दसभागे जोयणस्स परिक्खेवेणं आहिताति वएजा, तासे णं परिक्खेवविसेसे कओ आहिएति वएजा ? ता जे णं जम्बुद्दीवस्स 2 परिक्खेवे... तिहिं गुणित्ता दसहिं छेत्ता दसहिं भागे हीरमाणे एस णं परिक्खेवविसेसे आहिएति वएजा, तीसे णं तावक्खेत्ते केवइयं आयामेणं आहिएति वएजा ? ता अट्ठत्तरि जोयणसहस्साइं तिण्णि य तेत्तीसे जोयणसए जोयणतिभागे य आयामेणं आहिएति वएजा, तया णं किंसंठिया अंधयारसंठिई आहिताति वए जा ? ता उट्टीमुहकलंबुया
