________________ 738 अनंगपविट्ठसुत्ताणि जे णं सया चंदस्स दाहिणेणं जोयं जोएंति, कयरे णक्खत्ता जे णं सया चंदस्स उत्तरेणं जोयं जोएंति, कयरे णक्खत्ता जे णं चंदस्स दाहिणेणवि उत्तरेणवि पमपि जोयं जोएंति, कयरे णक्खत्ता जे णं चंदस्स दाहिणेणंपि पमइंपि जोयं जोएंति, कयरे णक्खत्ता जे णं सया चंदस्स पमई जोयं जोएंति ? गोयमा ! एएसि ण अट्ठावीसाए णक्खत्ताणं तत्थ णं जे ते णक्खत्ता जे णं सया चंदस्स दाहिणेणं जोयं जोएंति ते णं छ, तंजहा–संठाण 1 अद्द 2 पुस्सो 3 ऽसिलेस 4 हत्थो 5 तहेव मूलो य 6 / बाहिरओ बाहिरमंडलस्स छप्पेते णक्खत्ता // 1 // तत्थ णं जे ते णक्खत्ता जे णं सया चंदस्स उत्तरेणं जोयं जोएंति ते णं बारस, तं०-अभिई सवणो धणिट्ठा सयभिसया पुचभद्दवया उत्तरभद्दवया रेवई अस्सिणी भरणी पुव्वाफग्गुणी उत्तराफग्गुणी साई, तत्थ णं जे ते णक्खत्ता जे णं सया चंदस्स दाहिणओवि उत्तरओवि पमपि जोयं जोएंति ते णं सत्त, तंजहा कत्तिया रोहिणी पुणव्वसू मघा चित्ता विसाहा अणुराहा, तत्थ णं जे ते णक्खत्ता जे णं सया चंदस्स दाहिणओवि पमपि जोयं जोएंति ताओ णं दुवे आसाढाओ सव्वबाहिरए मंडले जोयं जोइंसु वा 3, तत्थ णंजे ते णखत्ते जे णं सया चंदस्स पमई० जोएइ सा णं एगा जेट्ठा इति // 156 / / एए सि णं भंते ! अट्ठावीसाए णक्खत्ताणं अभिई णक्खत्ते किंदेवयाए पण्णत्ते ? गोयमा ! बम्हदेवयाए पण्णत्ते, सवणे णक्खत्ते विण्हुदेवयाए पण्णत्ते, धणिट्ठा० वसुदेवयाए पण्णत्ते, एएणं कमेणं णेयव्या अणुपरिवाडी इमाओ देवयाओ-बम्हा विण्ह वसू वरुणे अए अभिवड्डी पूसे आसे जमे अग्गी पयावई सोमे रुद्दे अदिई वहस्सई सप्पे पिऊ भगे अजम सविया तट्ठा वाऊ इंदग्गी मित्तो इंदे णिरई आऊ विस्ता य, एवं णखत्ताणं एसा परिवाडी णेयव्वा जाव उत्तरासाढा किंदेवया पण्णत्ता ? गोयमा ! विस्सदेवया पण्णत्ता // 157 // एएसि णं भंते! अट्ठावीसाए णक्खत्ताणं अभिई णक्खत्ते कइतारे पण्णत्ते ? गोयमा ! तितारे प०, एवं णेयव्वा जस्स जइयाओ ताराओ, इमं च तं तारग्गं-तिगतिगपंचगसयदुगदुगबत्तीसगतिगं तह तिगं च / छप्पंचगतिगएक्कगपंचगतिग-छक्कगं चेव // 1 // सत्तगदुगदुग पंचग एक्के कग पंच चउतिगं चेव / एक्कारसग चउक्कं चउक्कगं चेव तारग्गं // 2 // ति // 158|| एएसि णं भंते! अट्ठावीसाए णक्खत्ताणं अभिई णक्खत्ते किंगोत्ते प० 1 गोयमा ! मोग्गलायणसगोत्ते०, गाहा-मोग्गल्लायण 1 संखायणे 2 य तह अग्गभाव 3 कण्णिल्ले 4 / तत्तो य जाउकण्णे 5 धणंजए 6 चेव बोद्धव्वे॥१॥
