________________ 82 अनंगपविट्ठसुत्ताणि सामाणियसाहस्सीओ चत्तारि अन्गमहिसीओ सपरिवाराओ तिण्णि परिसाओ सत्त अणियाहिवइणो जाव अण्णेवि बहवे सूरियाभविमाणवासिणो देवा य देवीओ-य तेहिं साभाविएहि य वेउविएहि य वरकमलपइट्टाणेहि य सुरभिवरवारिपडिपुण्णेहिं चंदणकयचच्चिएहिं आविद्धकंठेगुणेहिं पउमुष्पलपिहाणेहिं सुकुमालकोमलपरिग्गहिएहिं अट्ट सहस्से गं सोवणिपाणं कलसाणं जाव असहस्सेणं भोमिजाणं कलसाणं सब्योदएहिं सव्वमट्टियाहिं सव्वतूयरेहिं जाव सम्बोसहिसिद्धत्थएहि य सविड्ढिए जाव वाइएणं महया महया इंदाभिसेएणं अभिसिंचंति / तए णं तस्स सूरियाभस्स देवस्स महया महया इंदाभिसेए वट्टमाणे अप्पेगइया, देवा सूरियाभं विमाणं णच्चोययं णाइमट्टियं पविरलफुसि परेणुविणासणं दिन्वं सुरभिगंधोदगं वासं वासंति, अप्पेगड्या देवा हयरयं गट्ठरयं भट्टरयं उवसंतरयं पसंतरयं करेंति, अप्पेगइया देवा सूरियामं विमाणं आसियसंमजिओवलित्तं सुइसमट्ठरत्यंतरावणीहियं करेंति, अप्पेगइया देवा सूरियाभं विमाणं मंचाइमंचकलियं करेंति, अप्पेगइया देवा सूरियाभं विमाणं णाणाविहरागोसियं झयपडागाइपडागमंडियं करेंति, अप्पेगइया देवा सूरियाभं विमाणं लाउल्लोइयमहिय गोसीससरसरत्तचंदणदद्दरदिण्णपंचंगुलितलं करेंति,अप्पेगइया देवा सूरियाभं विमाणं उवचियचंदणकलसं चंदणघडसुकयतोरणपडिदुवारदेसभागं करेंति, अप्पेगइया देवा सूरियामं विमाणं आसत्तोसत्तविउलवट्टवग्धारियमल्लदामकलावं करेंति, अप्पेगइया देवा सूरियाभं विमाणं पंचवण्णसुरभिमुक्तपुप्फपुजोवयारकलियं करेंति, अपेगइया देवा सूरिया विमाणं कालागुरुपवरकुंदुरुक्कतुरुक्कधूवमघमघंतगंधु याभिरामं करेंति, अप्पेगइया देवा सूरियामं विमाणं सुगंधगंधिय गंधवटिभूयं करेंति, अप्पेगइया देवा हिरण्णवासं वासंति, सुवण्णवासं वासंति, रययवासं वासंति, वइरवासं० पुप्फवासं० फलवासं० मलवासं० गंधवासं० चुण्णवासं० आभरणवासं वासंति, अप्पेगइया देवा हिरण्णविहिं भाएंति, एवं सुवण्णविहिं भाएंति, रयणविहिं पुप्फविहिं फलविहिं मल्लविहिं चुण्णविहिं वत्थविहिं गंधविहिं०, तत्थ अप्पेगइया देवा आभरणविहिं भाएंति, अप्पेगइया चउव्विहं वाइत्तं वाइंति-ततं विततं घणं झुसिरं, अप्पेगइया देवा चउन्विहं गेयं गायति, तं०-उक्खित्तायं पायत्तायं मंदायं रोइयावसाणं, अप्पेगइया देवा दुयं णट्टविहिं उवदंसिंति अप्पेगइया विलंबियणट्टविहिं उवदंसंति अप्पेगइया देवा दुयविलंबियं णट्टविहिं उवदंसेंति, एवं अप्पेगइया अंचियं णट्टविहिं उवदंसेंति, अप्पेगइया देवा आरभडं भसोलं आरभडभसोलं उप्पायणिवाय
