________________ अनंगपविट्ठसुत्ताणि वा, भवेयारूवे सिया ?, णो इणठे समठे, ते णं सुकिल्ला मणी एत्तो इतराए चेव जाव वण्णेणं पण्णत्ता / तेसि णं मणीणं इमेयासवे गंधे पण्णत्ते, से जहाणामए कोहपुडाण वा तगरपुडाण वा एलापुडाण वा चोयपुडाण वा चंपापुडाण वा दमणापुडाण वा कुंकुमपुडाण वा चंदणपुडाण वा उसीरपुडाण वा मरुआपुडाण वा जाइपुडाण वा जूहियापुडाण वा मलियापुडाण वा हाणमल्लियापुडाण वा केयइपुडाण वा पाडलिपुडाण वा णोमालियापुडाण वा अगुरुपुडाण वा लवंगपुडाण वा वासपुडाण वा कम्पूरपुडाण वा अणुवायंसि वा ओभिजमाणाण वा कुट्टि जमाणाण वा भंजिजमाणाण वा उकिरिजमाणाण वा विकिरिजमाणाण वा परिभुज्जमाणाण वा परिभाइज्जमाणाण वा भंडाओ भंडं साहरिज्जमाणाण. वा ओराला मणुण्णा मणहरा घाणमणणिबुइकरा सव्वओ समंता 'गंधा अभिणिस्सवंति, भवेयारूवे सिया ?, णो इणठे समठे, ते णं मणी एत्तो इतराए चेव गंधणं पण्णत्ता। तेसि णं मणीणं इमेयारुवे फासे पण्णत्ते, से जहाणामए आइणेइ वा रूए इ वा बूरे इ वा णवणीए इ वा हंसगन्भतूलिया इ वा सिरीसकुसुमणिचए इ वा बालकुमुयपत्तरासी इ वा, भवेयारूवे सिया ?, णो इणठे समठे, ते णं मणी एत्तो इट्टतराए चेव जाव फासेगं पण्णत्ता / तए णं से आभिओगिए देवे तस्स दिव्वस्स जाणविमाणस्स बहुमज्झदेसभागे एत्य णं महं पिच्छाघरमंडवं विउव्वइ अणेगखंभसयसंणिविठं अन्भुग्गयसुकयवरवेइयातोरणवररइयसालभंजियागं सुसिलिट्ठविसिट्ठलट्ठसंठियपसत्थवेरुलियविमलखंभ णाणामणि(कणगरयण)खचियउजलबहुसमसुविभत्तभूमिभागं इहामियउसभतुरगनरमगरविहगवालगकिण्णररुरुसरभचमरकुंजरवणलयपउमलयभत्तिचित्तं ख० कंचणमणिरयणथूभियागं णाणाविहपंचवण्णघंटापडागपरिमंडियग्गसिहरं चवलं मरीइकवयं विणिम्मुयंत लाउल्लोइयमहियं गोसीससरसरत्तचंदणदद्दरदिण्णपंचंगुलितलं उवचियचंदणकलसं चंदणघडसुकयतोरणपडिदुवारदेसभागं आसत्तोसत्तविउलवट्टवग्धारियमलदामकलावं पंचवण्णसरससुरभिमुक्कपुप्फपुंजोवयारकलियं कालागुरुपवरकुंदरुकतुरुकधूवमघमघतगंधु याभिरामं सुगंधवरगंधियं गघवटिभूयं अच्छरगणसंघसंविकिंण्णं दिव्वं तुडियसद्दसंपणाइयं अच्छं जाव पडिरूवं / तस्स णं पिच्छाघरमंडवस्स अंतो बहुसमरमणिजभूमिभागं विउव्वइ जाव मणीणं फासो / तस्स णं पेच्छाघरमंडवस्स उल्लोयं विउव्वइ पउमलयभत्तिचित्तं जाव पडिरूवं / तस्स णं बहुसमरमणिजरस्स भूमिभागस्स बहुमज्झदेसभाए एत्थ णं एगं महं
