________________ 576 अनंगपविष्टुसुत्ताणि पासणया पण्णत्ता 1 गोयमा ! दुविहा पण्णत्ता / तंजहा-सागारपासणया अणागारपासणया / णेरइयाणं भंते ! सागारपासणया कइविहा पण्णत्ता ! गोयमा! चउविहा पण्णत्ता / तंनहा-सुयणाण०पासणया, ओहिणाणपासणया, सुयअण्णाण पासणया, विभंगणाण०पासणया। णेरइयाणं भंते ! अणागारपासणया कइविहा पण्णता ? गोयमा ! दुविहा पणत्ता / तंजहा-चक्खुदंसण० ओहिदंसण०, एवं जाव थणियकुमारा। पुढविकाइयाणं भंते ! कइविहा पासणया पण्णत्ता 1 गोयमा ! एगा सागारपासणया प० / पुढविकाइयाणं भंते ! सागारपासणया कइविहा पण्णत्ता ? गोयमा! एगा सुयअण्णाणसागारपासणया पण्णत्ता, एवं जाव वणस्सइकाइयाणं / बेइंदियाणं भंते ! कइविहा पासणया पण्णत्ता ? गोयंमा ! एगा सागारपासणया पण्णत्ता / बेइंदियाणं भंते ! सागारपासणया कइविहा पण्णत्ता ! गोयमा ! दुविहा पण्णत्ता / तंजहा-सुयणाणसागारपासणया, सुयअण्णाणसागारपासणया, एवं तेइंदियाण वि। चरिंदियाणं पुच्छा / गोयमा! दुविहा पण्णत्ता। तंजहा-सागारपासणया य अणागारपासणया य / सागारपासणया जहा बेइंदियाणं / चउरिदियाणं भंते ! अणागारपासणया कइविहा पण्णत्ता ! गोयमा !एगा चक्खुदंसणअण्णागारपासणया पण्णत्ता। मणूसाणं जहा जीवाणं, सेसा जहा जेरइया जाव वेमाणियाणं // 66 // जीवा णं भंते ! किं सागारपस्सी, अणागारपस्सी ? गोयमा.! जीवा सागारपस्सी वि अणागारपस्सी वि / से केणटेणं भंते ! एवं वुचइ-'जीवा सागारपस्सी वि अणागारपस्सी वि' ? गोयमा ! जेणं जीवा सुयणाणी ओहिणाणी मणपजवणाणी केवलणाणी सुयअण्णाणी विभंगणाणी तेणं जीवा सागारपस्सी, जेणं जीवा चक्खुदंसणी ओहिदंसणी केवलदंसणी तेणं जीवा अणागारपस्सी, से एएगटेणं गोयमा! एवं वुच्चइ-'जीवा सागारपस्सी वि अणागारपस्सी वि' / णेरइया णं भंते ! कि सागारपस्सी, अणागारपस्सी ? गोयमा ! एवं चेव, णवरं सागारपासणयाए मणपजवणाणी केवलणाणी ण वुच्चइ, अणागारपासणयाए केवलदंसणं णत्थि, एवं जाव थणियकुमारा। पुढविकाइयाणं पुच्छा / गोयमा ! पुढविकाइया सागारपस्सी, णो अणागारपस्सी। से केणटेणं भंते ! एवं वुच्चइ० 1 गोयमा! पुढविकाइयाणं एगा सुयअण्णाणसागारपासणया पण्णत्ता, से तेणटेणं गोयमा! एवं वुच्चइ, एवं जाव वणस्सइकाइयाणं / बेइंदियाणं पुच्छा। गोयमा! सागारपस्सी, णो अणागारपस्सी। से केण?णं भंते! एवं वुच्चइ०१ गोयमा! बेइंदियाणं दुविहा सागारपासणया पणत्ता। तंजहा-सुयणाणसागारपासणया, सुय
