________________ 532 अनंगपविद्वसुत्ताणि सेणं / जहण्णेणं भवधारणिना अंगुलस्स असंखेजइभाग, उत्तरवेउव्विया अंगुलस्स संखेजइभागं। तिरिक्खजोणियपंचिंदियवेउब्वियसरीरस्स णं भत्ते ! केमहालिया सरीरोगाहणा पण्णत्ता ? गोयमा ! जहण्णेणं अंगुलस्स संखेजहभाग, उक्कोसेणं जोयणसयपुहुत्तं / मणुस्सपंचिंदियवेउव्वियसरीरस्स णं भंते ! केमहालिया सरीरोगाहणा पण्णत्ता ? गोयमा ! जहण्णेणं अंगुलस्स संखेजइभागं, उक्कोसेणं साइरेगं जोयणसयसहस्सं / असुरकुमारभवणवासिदेवपंचिंदियवेउव्वियसरीरस्स गं भंते ! केमहालिया सरीरोगाहणा पण्णत्ता ? गोयमा ! असुरकुमाराणं देवाणं दुविहा सरीरोगाहणा पण्णत्ता / तंजहा-भवधारणिजा य उत्तरवेउव्विया य / तत्थ णं जा सा भवधारणिजा सा जहण्णेणं अंगुलस्स असंखेजइभागं, उक्कोसेणं सत्त रयणीओ। तत्थ णं जा सा उत्तरवेउव्विया सा जहण्णेणं अंगुलस्स संखेजहभागं, उक्कोसेणं जोयणसयसहस्सं / एवं जाव थणियकुमाराणं, एवं ओहियाणं वाणमंतराणं एवं जोइसियाण वि, सोहम्मीसाणगदेवाणं एवं चेव, उत्तरवेउव्विया जाव अच्चुओ कप्पो, णवरं सणंकुमारे भवधारणिजा जहण्णेणं अंगुलस्स असंखेजइभागं, उक्कोसेणं छ रयणीओ / एवं माहिंदे वि, बंभलोयलंतगेसु पंच रयणीओ, महासुक्कसहस्सारेसु चत्तारि रयणीओ, आणय-पाणय-आरणच्चुएसु तिण्णि रयणीओ। गेविजगकप्पातीतवेमाणियदेवपंचिंदियवेउब्वियसरीरस्स णं भंते ! केमहालियां सरीरोगाहणा पण्णत्ता ! गोयमा ! गेवेजगदेवाणं एगा भवधारणिजा सरीरोगाहणा पण्णत्ता / सा जहण्णेणं अंगुलस्म असंखेजइभाग, उक्कोसेणं दो रयणी / एवं अणुत्तरोववाइयदेवाण वि, णवरं एक्का रयणी // 574 // आहारगसरीरे णं भंते ! कइविहे पण्णत्ते ? गोयमा! एगागारे पण्णत्ते / जइ एगागारे पण्णत्ते कि मणूमआहारगसरीरे, अमणूसआहारगसरीरे ? गोयमा ! मणूसआहारगसरीरे, णो अमणूसआहारगसरीरे / जइ मणूसआहारगसरीरे किं समुच्छिममणूसआहारगसरीरे, गम्भवक्कंतियमणूसआहारगसरीरे ? गोयमा! णो संमुच्छिममणूस आहारगसरीरे, गब्भवतियमणूसआहारगसरीरे / जइ गब्भवक्रतियमणूस आहारगसरीरे किं कम्मभूमगगम्भवकंतियमणूसआहारगसरीरे, अकम्मभूमगगब्भवदंतियमणूमआहारगसरीरे, अंतरदीवगगम्भवक्कंतियमणूसआहारगसरीरे ? गोयमा ! कम्मभूमगगब्भवक्कंतिय०, णो अकम्मभूमगगम्भवकंतिय०, णो अंतरदीवगगम्भवक्कंतियमणूसआहारगसरीरे / जइ कम्मभूमगगम्भवक्कंतियमणूसआहारगसरीरे किं संखेजवासाउयकम्मभूमगगब्भवकंतियमणूसआहारगसरीरे, असंखेजवासाउयकम्मभूमगगब्भवदंतियमणूसआहारगसरीरे ? गोयमा! संखेजवासा
